Foto: QR EM
BAQ-ta Qazaqstan benzinin Ózbekstannyń satyp alyp jatqany jóninde jalǵan aqparattyń taralýyna bailanysty QR Energetika ministrligi bul málimetterdiń shyndyqqa sáikes emestigin málimdeidi, dep habarlaidy Ult.kz.
Búgingi kúni Qazaqstannan Ózbekstanǵa nemese ózge elderge benzin eksporty júzege asyrylmaidy. Elde munai ónimderin áketýge tyiym salý engizilgen, al Úkimet zańsyz áketýdiń jáne kontrabandanyń aldyn alý boiynsha Jospardy iske asyrýda.
Jekelegen BAQ silteme jasaǵan aqparat biylǵy jyldyń kókteminde qabyldanǵan bir jolǵy jáne ýaqytsha sharaǵa qatysty. Sáýir–mamyr ailarynda el ishindegi janarmai qory jaǵdaiynda AI-92 markaly benzinniń artyǵyn eksporttaý týraly núktelik sheshim qabyldandy. Mundai shara halyqaralyq tájiribede standartty bolyp tabylady jáne ol qoimalardy ońtailandyrýǵa ári biýdjetke qosymsha salyq túsimderin ákelýge múmkindik beredi.
Maýsym aiynan bastap, MÓZ-derdegi josparly jóndeý jumystaryna daiyndyq sheńberinde strategiialyq qor jinaqtaý maqsatynda eksport tolyq toqtatyldy.
Ministrlik memlekettik retteýdi alyp tastaý jáne eksportqa tyiym salý ishki naryqty turaqtandyrýǵa ári janarmai qorlaryn aitarlyqtai ulǵaitýǵa múmkindik bergenin atap ótedi. Jazdyń basyna qarai AI-92 benzini qory shamamen 70%-ǵa, dizel otyny qory 78%-ǵa artty.
Qazirgi tańda munai ónimderi naryǵyndaǵy jaǵdai turaqty. Ishki naryq tolyq kólemde qamtamasyz etilýde.
