21 mamyr men 1 maýsym aralyǵynda Birikken Arab Ámirlikteriniń Dýbai qalasynda bokstan erler arasynda Aziia chempionaty ótedi, dep habarlaidy "Ult aqparat".
Qazaqstan boks federatsiiasy málim etkenindei, qurlyqtyq dodada el namysyn qorǵaityn sportshylar belgili boldy.
49 kg: Daniial Sábit
52 kg: Sáken Bibosynov
56 kg: Sabyrhan Mahmud
60 kg: Serik Temirjanov
64 kg: Zákir Safiýllin
69 kg: Abylaihan Júsipov
75 kg: Ábilhan Amanqul
81 kg: Bekzat Nurdáýletov
91 kg: Vasilii Levit
+91 kg: Qamshybek Qońqabaev.
Qazaqstan quramasynyń bas bapkeri Ǵalymbek Kenjebaev Olympic.kz. saityna bergen suhbatynda bylai dedi:
«Bul dodaǵa Olimpiadaǵa qatysatyn boksshylardy túgel alyp baramyz. Óitkeni, Aziia chempionaty Tokio qarsańyndaǵy eń mańyzdy daiyndyq kezeńderiniń biri sanalady. Olimpiadada baq synaityn jigitterdi taǵy da bir synap almaqpyz. Sondai-aq Aziia chempionaty on salmaq dárejesinde ótetindikten, 57 kelidegi Serik Temirjanovty 60 kelige aýystyrdyq. 52 kelidegi Sabyrhan Mahmud 56 kelide judyryqtasady. 49 kelide elimizdiń eń jas chempiondarynyń biri bolǵan Daniial Sábitti synǵa qostyq. Olimpiadashylarǵa tolyq múmkindik berdik».
Aita keteiik, batysqazaqstandyq Daniial Sábit ótken jyly eresekter arasyndaǵy Qazaqstan chempionatynda 18 jasynda top jarǵan bolatyn.
Sondai-aq ol biyl Sankt-Peterbýrgte ótken halyqaralyq jarysta qola júldeger atandy.
