21 مامىر مەن 1 ماۋسىم ارالىعىندا بٸرٸككەن اراب ەمٸرلٸكتەرٸنٸڭ دۋباي قالاسىندا بوكستان ەرلەر اراسىندا ازييا چەمپيوناتى ٶتەدٸ, دەپ حابارلايدى "ۇلت اقپارات".
قازاقستان بوكس فەدەراتسيياسى مەلٸم ەتكەنٸندەي, قۇرلىقتىق دودادا ەل نامىسىن قورعايتىن سپورتشىلار بەلگٸلٸ بولدى.
49 كگ: دانييال سەبيت
52 كگ: سەكەن بيبوسىنوۆ
56 كگ: سابىرحان ماحمۇد
60 كگ: سەرٸك تەمٸرجانوۆ
64 كگ: زەكٸر سافيۋللين
69 كگ: ابىلايحان جٷسٸپوۆ
75 كگ: ەبٸلحان امانقۇل
81 كگ: بەكزات نۇردەۋلەتوۆ
91 كگ: ۆاسيليي لەۆيت
+91 كگ: قامشىبەك قوڭقاباەۆ.
قازاقستان قۇراماسىنىڭ باس باپكەرٸ عالىمبەك كەنجەباەۆ Olympic.kz. سايتىنا بەرگەن سۇحباتىندا بىلاي دەدٸ:
«بۇل دوداعا وليمپياداعا قاتىساتىن بوكسشىلاردى تٷگەل الىپ بارامىز. ٶيتكەنٸ, ازييا چەمپيوناتى توكيو قارساڭىنداعى ەڭ ماڭىزدى دايىندىق كەزەڭدەرٸنٸڭ بٸرٸ سانالادى. وليمپيادادا باق سىنايتىن جٸگٸتتەردٸ تاعى دا بٸر سىناپ الماقپىز. سونداي-اق ازييا چەمپيوناتى ون سالماق دەرەجەسٸندە ٶتەتٸندٸكتەن, 57 كەلٸدەگٸ سەرٸك تەمٸرجانوۆتى 60 كەلٸگە اۋىستىردىق. 52 كەلٸدەگٸ سابىرحان ماحمۇد 56 كەلٸدە جۇدىرىقتاسادى. 49 كەلٸدە ەلٸمٸزدٸڭ ەڭ جاس چەمپيوندارىنىڭ بٸرٸ بولعان دانييال سەبيتتٸ سىنعا قوستىق. وليمپياداشىلارعا تولىق مٷمكٸندٸك بەردٸك».
ايتا كەتەيٸك, باتىسقازاقستاندىق دانييال سەبيت ٶتكەن جىلى ەرەسەكتەر اراسىنداعى قازاقستان چەمپيوناتىندا 18 جاسىندا توپ جارعان بولاتىن.
سونداي-اق ول بيىل سانكت-پەتەربۋرگتە ٶتكەن حالىقارالىق جارىستا قولا جٷلدەگەر اتاندى.
