Prezident Qasym-Jomart Toqaevtyń tapsyrmasyn iske asyrý aiasynda Qyrǵyzstanǵa Qazaqstannan 1000 tonna otandyq iriktelgen bidai tuqymy túrinde izgilik kómek jetkizildi.
Bul týraly Cyrtqy ister ministrliginiń baspasóz qyzmeti habarlady.
Júkti tapsyrý rásimi «Bishkek-1» temir jol stansasynda Qazaqstannyń Qyrǵyzstandaǵy elshisi Rápil Joshybaev pen Qyrǵyzstannyń Aýyl sharýashylyǵy ministri Askarbek Djanybekovtyń qatysýymen ótti.
Ministr iriktelgen bidai tuqymdarymen qamtamasyz etýde qoldaý kórsetkeni úshin Qazaqstan tarapyna shynaiy rizashylyǵyn bildirdi jáne bul el fermerler shyǵaratynyn ónimniń sapasy men ónimdiliginiń ósýine áser etedi.
«Iriktelgen tuqym túrindegi izgilik kómek otandyq tuqym sapasyn arttyrady. «Qarabalyq-20» sortynyń qazaqstandyq tuqymdary sebý standartynyń birinshi sanatyna mynadai sorttyq jáne sebý sapasymen sáikes keledi: ylǵaldylyǵy – 14%-ten aspaidy, óngishtigi – 95%-ten kem emes, sorttyq tazalyǵy – 99,7%-ten kem emes. Tuqymdar karantindik aramshópterden, aýrýlardan jáne kez kelgen bóten iisterden tazartylǵan», – dep atap ótti Djanybekov.
Óz kezeginde elshi izgilik júkti jetkizýdi Qazaqstan Úkimeti Memleket basshysynyń Qyrǵyzstan Prezidenti Sadyr Japarovpen kelissózderiniń nátijesimen bergen tapsyrmasyna sáikes uiymdastyrǵanyn atap ótti.
Qazaqstan basshylyǵy Qyrǵyzstannyń ótinishterine túsinistikpen qarap, mańyzdy áleýmettik-ekonomikalyq máselelerdi sheshýge barynsha yqpal etti jáne eleýli izgilik kómek kórsetti.
Atap aitqanda, 2020 jylǵy mamyrda 5 myń tonna kóleminde qazaqstandyq undy jetkizý túrinde, al bir jyldan keiin, 2021 jyldyń mamyr aiynda 10 myń tonna un túrinde izgilik kómek jiberildi.
Aita keterligi, is-shara Naýryz meiramy qarsańynda ótýde, ol halyqtarymyz úshin árdaiym jańarýdyń, alǵa jyljýdyń, órleý men damýdyń nyshany bolyp tabylady.
«Qazaq qyrǵyz bir týǵan» degen qanatty sóz beker aitylmaǵan. Baýyrlas eki eldiń yntymaǵy odan ári nyǵaia beretinine senimdimin» – dep atap ótti Joshybaev.
