QR Indýstriia jáne infraqurylymdyq damý ministrliginen málim etkendei, búgingi tańda 25 elmen aptasyna 257 halyqaralyq reis oryndalady, dep habarlaidy QazAqparat.
«Qazaqstanda halyqaralyq áýe reisteri tolyq derlik qalpyna keltirildi. Elimizge nemese elimizden ushatyn otandyq jáne sheteldik áýe kompaniialary óz qyzmetin tolyq kólemde jalǵastyrýda. Olar áýe kompaniialarynyń resmi saittarynda jariialanǵan kestelerge sáikes oryndalady», - delingen ministrlik habarlamasynda.
Búgingi tańda 25 elmen (Armeniia, Ázerbaijan, Belarýs, Ulybritaniia, Vengriia, Vetnam, Germaniia, Grýziia, Úndistan, Katar, Koreia, Qyrǵyzstan, Maldiv araldary, Niderlandy, Birikken Arab Ámirlikteri, Kýveit, Polsha, Resei, Saýd Arabiiasy, Tájikstan, Tailand, Túrkiia, Ózbekstan, Ýkraina, Shri Lanka) 76 baǵytta aptasyna 257 reis oryndalýda.
Ecke salaiyq, tótenshe jaǵdai kezinde ushpai qalǵan áýe reisteriniń jolaýshylary bilet qunyn tolyq qaitara alady nemese satyp alǵan jerlerinde ony basqa kúnge tegin aýystyrýǵa bolady.
