قر يندۋسترييا جەنە ينفراقۇرىلىمدىق دامۋ مينيسترلٸگٸنەن مەلٸم ەتكەندەي, بٷگٸنگٸ تاڭدا 25 ەلمەن اپتاسىنا 257 حالىقارالىق رەيس ورىندالادى, دەپ حابارلايدى قازاقپارات.
«قازاقستاندا حالىقارالىق ەۋە رەيستەرٸ تولىق دەرلٸك قالپىنا كەلتٸرٸلدٸ. ەلٸمٸزگە نەمەسە ەلٸمٸزدەن ۇشاتىن وتاندىق جەنە شەتەلدٸك ەۋە كومپانييالارى ٶز قىزمەتٸن تولىق كٶلەمدە جالعاستىرۋدا. ولار ەۋە كومپانييالارىنىڭ رەسمي سايتتارىندا جارييالانعان كەستەلەرگە سەيكەس ورىندالادى», - دەلٸنگەن مينيسترلٸك حابارلاماسىندا.
بٷگٸنگٸ تاڭدا 25 ەلمەن (ارمەنييا, ەزەربايجان, بەلارۋس, ۇلىبريتانييا, ۆەنگرييا, ۆەتنام, گەرمانييا, گرۋزييا, ٷندٸستان, كاتار, كورەيا, قىرعىزستان, مالديۆ ارالدارى, نيدەرلاندى, بٸرٸككەن اراب ەمٸرلٸكتەرٸ, كۋۆەيت, پولشا, رەسەي, ساۋد ارابيياسى, تەجٸكستان, تايلاند, تٷركييا, ٶزبەكستان, ۋكراينا, شري لانكا) 76 باعىتتا اپتاسىنا 257 رەيس ورىندالۋدا.
ەcكە سالايىق, تٶتەنشە جاعداي كەزٸندە ۇشپاي قالعان ەۋە رەيستەرٸنٸڭ جولاۋشىلارى بيلەت قۇنىن تولىق قايتارا الادى نەمەسە ساتىپ العان جەرلەرٸندە ونى باسقا كٷنگە تەگٸن اۋىستىرۋعا بولادى.
