Egipetke áýe reisteri 12 qyrkúiekten bastap Almaty – Sharm-el-Sheih baǵyty boiynsha qaita jalǵasady, dep habarlaidy "Ult aqparat" Azamattyq aviatsiia komitetine silteme jasap.
Komitettiń baspasóz qyzmeti, halyqaralyq reisterdi qaita ashý týraly málimetti jariialady.
Vedomstvoaralyq komissiianyń 11 tamyzdaǵy sheshimine sáikes 17 tamyzdan bastap Qazaqstan aptasyna 23 reis jiiligimen 6 baǵyt boiynsha 4 elge halyqaralyq ushýlardy kezeń-kezeńimen qalpyna keltirdi.
Atap aitar bolsaq:
- BAÁ (11 reis) 17 tamyzdan bastap Almaty - Dýbai (6 reis) jáne Nur-Sultan - Dýbai (5 reis) baǵyttary boiynsha;
- Germaniia (5 reis) 18 tamyzdan Nur-Sultan - Frankfýrt (5 reis);
- Belarýs (4 reis) 19 tamyzdan Almaty - Minsk (2 reis) jáne Nur-Sultan - Minsk (2 reis) baǵyttary boiynsha;
- Ýkraina (3 reis) 19 tamyzdan Almaty - Kiev (3 reis).
Egipetke reister 12 qyrkúiekten bastap Almaty – Sharm-el-Sheih baǵyty boiynsha qaita jalǵasady dep josparlanyp otyr.
27 tamyzdan bastap Qazaqstan men Túrkiia arasyndaǵy turaqty jolaýshylar reisterine shekteý alynady.
«Reister Kóliktegi Bas sanitarlyq dárigerdiń qaýlysyna sáikes sanitarlyq qaýipsizdiktiń joǵary sharalary jaǵdaiynda oryndalady. Elimizdiń barlyq áýejailarda dezinfektsiialaý jumystaryn júrgizý boiynsha is-sharalar kúsheitildi, qoldy sanitarlyq tazartý qondyrǵylary ornatyldy, karantin sharalary saqtalýda (maskalar men qolǵaptardy mindetti túrde kiiý)», delingen habarlamada.
