Qazaqstan Túrkiiaǵa jáne Birikken Arab Ámirlikterine aviareister sanyn arttyrdy, dep habarlaidy "Ult aqparat".
Qazaqstanda koronavirýstyń taralýyna jol bermeý jónindegi QR Úkimeti janyndaǵy vedomstvoaralyq komissiianyń 15 aqpandaǵy sheshimine sáikes:
- «SCAT» aviakompaniiasyna Nur-Sultan, Almaty, Shymkent, Aqtaý, Atyraý, Aqtóbe, Oral, Qaraǵandy qalalarynan BAÁ-niń Ras-el-Haim qalasyna aptasyna 8 ret qatynaýǵa ruqsat etildi. Bul rette, kompaniia áýe kemesiniń bortyn jolaýshylarmen 100% tolyqtyra alady. Bir ǵana shart - barlyǵynda PTR-testileýdiń teris nátijesi bar anyqtama bolýy qajet.
- Sondai-aq Túrik aviakompaniialaryna «Almaty-Antaliia» baǵytynda qosymsha eki reis oryndaýǵa ruqsat berildi.
Atap ótilgendei, ushaqtarda sanitarlyq-epidemiologiialyq talaptar qatań saqtalady jáne aviakompaniialar saittarynda jariialanǵan kestege sáikes oryndalatyn bolady.
