"Jibek joly" jáne "Atameken" keden beketterinde Qazaqstan, Resei, Tájikstan azamattaryna ákimshilik is qozǵaldy, dep habarlaidy Sputnik Qazaqstan.
Túrkistan oblysy boiynsha memlekettik kirister departamentiniń málimetinshe, atalǵan azamattar Qazaqstan Respýblikasynyń zańnamasymen qolma-qol aqshany alyp ketýge qoiylǵan shekteýdi buzǵany úshin ákimshilik jaýapkershilikke tartylǵan.
Oqiǵa 6 maýysymda Túrkistan oblysy boiynsha memlekettik kirister departamentiniń "Jibek joly" keden beketinde bolǵan.
Ózbekstan respýblikasy baǵytynda jolaýshylar terminalynda, qoljúkti rentgenteleviziondyq qurylǵy arqyly tekserý kezinde, keden beketiniń qyzmetkerlerimen Tájikstan azamatynan kedendik deklaratsiia arqyly málimdelmegen qolma-qol 19 500 AQSh dollary anyqtaldy. Oǵan qatysty Ákimshilik quqyq buzýshylyq kodeksiniń 545-baby boiynsha is qozǵaldy.
Osyǵan deiin, 18 mamyrda "Atameken" keden beketi arqyly Ózbekstan respýblikasy baǵytynda QR azamaty ózimen birge 10 000 AQSh dollary, 82 500 teńge jáne 1 798 000 ózbek somyn alyp ótpek bolǵan kezinde keden beketiniń qyzmetkerleri tosqaýyl boldy.
Osyǵan uqsas jaǵdai 20 mamyry kúni osy "Atameken" keden beketinde oryn alǵan. Keden beketiniń qyzmetkerlerimen kedendik baqylaý kezinde Resei Federatsiiasynyń azamaty ózimen birge 13 800 AQSh dollary men 88 000 teńgeni Ózbekstanǵa alyp ótý barysynda anyqtalǵan.
