Sýret: © Sputnik / Bolat Shaihinov
Shetel azamattarynyń Qazaqstan aýmaǵynda júrip-turý tártibine ózgerister engizildi. Tolyǵyraq Ishki ister ministrliginiń ókili Shuǵyla Turlybek aityp berdi, dep habarlaidy QazAqparat.
«Elimizde 27 qańtardan bastap jańartylǵan kóshi-qon erejeleri kúshine endi. Engizilgen ózgeristerge sáikes, Qazaqstanǵa vizasyz kelgen sheteldikter elde 30 kún bola alady. Alty ai ishinde vizasyz shetel azamattarynyń elde bolý merzimi 90 kúnnen aspaýy kerek. Al EAEO (Eýraziia ekonomikalyq odaǵy) azamattary úshin 180 kún ishinde 90 kúnnen aspaidy. Burynǵy talapta bul másele rettelmegen. Iaǵni, sheteldikter Qazaqstanda júrip-turý merzimi aiaqtalǵannan keiin elden ketip, qaita kelip, merzimdi jańarta alatyn edi», – dedi Shuǵyla Turlybek vedomstvoda ótken onlain brifingide.
Ministrlik ókiliniń málimdeýinshe, jańa erejelerdiń ýaqytsha turý ruqsaty nemese vizasy bar sheteldikterge qatysy joq.
«Ereje «Halyqtyń kóshi-qony týraly» Zańnyń 6-babyna sáikes keltirilgen. Shetel azamattarynyń Qazaqstanda júrip-turý erejesin buzý faktisi anyqtalǵan jaǵdaida shekara qyzmeti «Halyqtyń kóshi-qony týraly» Zańnyń 48-babyna sáikes shara qoldanady», - deidi ol.
