Kóliktegi bas memlekettik sanitar dáriger Sádýaqas Baiǵabylov Qazaqstanǵa halyqaralyq áýe reistermen kelgen jolaýshylardyń ishinen qansha adamnan COVID-19 tabylǵanyn jariialady, dep habarlaidy QazAqparat.
Sádýaqas Baiǵabylovtyń dereginshe, qazannyń 6-12 kúnderi aralyǵynda elimizge halyqaralyq áýe reisterimen 14 578 jolaýshy kelgen. Onyń ishinde 11 966 jolaýshyda PTR anyqtamasy bolsa, 2 596 jolaýshyda mundai anyqtama joq.
Sondyqtan PTR test tapsyrý úshin 2 596 qazaqstandyq eki kúndik karantinge jatqyzylǵan.
«Test tapsyrǵan 2 596 adamnyń ishinde tek 6 Qazaqstan azamatynan koronavirýs tabyldy. Olar ártúri áýe reisimen jáne ártúrli kúnderi kelgen. Almatyǵa kelgen úsh (10 jáne 12 qazan), Nur-Sultanǵa kelgen bir (9 qazan) jáne Shykentke kelgen eki (11 qazan) jolaýshydan anyqtaldy», - dedi ol.
Onyń naqtylaýynsha, infektsiia oshaqtarynda epidemiiaǵa qarsy sharalar júrgizilýde.
