Elimizge syrttan taýar jetkizýde qazirgi geosaiasi jaǵdaidyń áseri qandai? Bul máselege qatysty QR Saýda jáne integratsiia ministrliginiń tehnikalyq retteý jáne metrologiia komiteti tóraǵasynyń orynbasary Qýanysh Elikbaev túsinik berdi, dep habarlaidy QazAqparat.
«Geosaiasi jaǵdaiǵa bailanysty taýar tasymaldaý men jetkizýde ózgeris bolyp jatyr. Iaǵni, syrttan keletin taýarlardyń túpkilikti quny, kólemi jáne jetkizý boiynsha ózgerister baiqalyp otyr. Búginde kórshi elderde tutyný taýarlary, himiialyq zattar men jabdyqtar jetispeýshiligi bar. Sondyqtan kásipkerler marshrýttardyń ózgeretinin aityp jatyr. Kásipkerler buǵan deiin taýarlardy Reseiden satyp alsa, endigi ýaqytta Batys jáne basqa da elderden ákelýge májbúr», - dedi Qýanysh Elikbaev BAQ ókilderimen ótken baspasóz máslihatynda.
Sondai-aq, komitet basshysynyń orynbasary logistika boiynsha da sońǵy ýaqytta jaǵdaidyń ózgergenin tilge tiek etti.
