Shetelden áýe jáne avtomobil kóligimen kelgen jolaýshylar arasynda 139 adamnan COVID-19 anyqtaldy. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«Álemde indettiń órshýi jalǵasýda. Eýropa men Aziianyń keibir elderinde aýrý ýshyǵa tústi. Mysaly, ótken aptada syrqattanýdyń ósýi Germaniiada baiqalyp. táýliktiń ishinde 7 myńnan astam adamda KVI anyqtaldy. Ýkrainada 5 400, Reseide 16 319, Ispaniiada 13 873, Frantsiiada 20 myńnan astam, Chehiiada 11 900, Italiiada 10 myńnan astam jaǵdai tirkeldi», - dedi Ajar Ǵiniiat Ortalyq kommýnikatsiialar qyzmetindegi baspasóz máslihatynda.
Onyń aitýynsha, osy epidemiologiialyq jaǵdaidyń nasharlaýyna bailanysty QR Bas memlekettik sanitar dárigeriniń qaýlysyna sáikes, 6 qazanda, túngi saǵat 00-00-den bastap memlekettik shekarada sanitarlyq-epidemiologiialyq qaýipsizdik kúsheitildi.
«Avtomobil ótkizý pýnkteri arqyly Qazaqstan Respýblikasynyń azamattary men sheteldikter, barlyǵy 73 591 adam keldi. Onyń ishinde 21 297 - jolaýshy. 5 967 adam karantindik stantsionarǵa jatqyzyldy. Olardyń ishinde 122 adamnan oń nátije anyqtaldy. Syrttan keletin infektsiiany shekteý úshin osyndai sharalar qoldanylýda.
Sonymen qatar halyqaralyq áýe reisterimen 34466 jolaýshy keldi. Onyń ishinde 5925 adam testileýden ótti. 17 adamnan oń nátije anyqtaldy», - dedi vitse-ministr.
