«SQ-Farmatsiia» basqarma tóraǵasy Berik Shárip Qazaqstanǵa shetelden ákelinetin vaktsinalar qalai ákelinip, qaida saqtalatynyn aityp berdi, dep habarlaidy QazAqparat.
«Qazaqstanda shetelden ákelinetin dári-dármek pen vaktsinalardyń sapasy men jaqsy saqtalýyn qamtamasyz etý mindetti. Qazirgi tańda biryńǵai destribiýtorda vaktsinanyń 20 túri saqtalýda. Olardyń bári de ereje boiynsha +2...+8 gradýsta saqtalýy tiis. Alaida -15...-20 gradýsta saqtalýy tiis vaktsinalar da bar. Olardy tasymaldaý nemese saqtaý bolsyn bul jumys temperatýralyq rejimdi esepke ala otyryp, júrgiziledi. Bizdegi qoimalardyń bári de tońazytqysh kamerasymen jasaqtalǵan. Naqty talaptarymyz bar», - dedi Berik Shárip Densaýlyq saqtaý ministrliginiń onlain baspasóz máslihatynda.
Onyń aitýynsha, tońazytqysh kameralaryna basa den qoiylady. Iaǵni oǵan toq kelmei qalǵan jaǵdaida da qaita qosqansha jumysyn jalǵastyra alatyn qýat kózderi bar.
«Sonymen qatar bizde metrologiialyq baqylaý da bar. Oǵan sáikes tońazytqysh kameralarynyń bárine de temperatýra men ylǵaldylyqty baqylap otyratyn júie ornatylǵan. Sensorlyq datchikter temperatýranyń kez kelgen ózgerisin qalt jibermeidi. Vaktsinalardy tasymaldaýdyń da tártibi retke keltirilgen. Biz vaktsinalardy tońazytqysh kameralarynan alyp shyqqannan keiin de jetkizýge arnalǵan qurylǵy qarastyrylǵan. Áitse de tasymal kezinde kóliktiń árbirinde salqyndatqysh ornatylǵanyn atap ótý kerek. Iaǵni Almatydan Nur-Sultandaǵy qoimaǵa vaktsinany jetkizýdiń ózi dál osyndai tártippen, qujatpen resimdele júrgiziledi», - dedi ol.
Berik Shárip sonymen qatar DSM-nyń taýarlar men kórsetiletin qyzmetterdiń sapasy men qaýipsizdigin baqylaý komitetiniń tapsyrysy negizinde elge qajetti vaktsina mólsheri satylyp alynatynyn aitady. Osydan keiin elge jetkizilgen vaktsinanyń bári memlekettik tirkeýden ótip, ár partiia sertifikattaýdan ótedi.
