«سق-فارماتسييا» باسقارما تٶراعاسى بەرٸك شەرٸپ قازاقستانعا شەتەلدەن ەكەلٸنەتٸن ۆاكتسينالار قالاي ەكەلٸنٸپ, قايدا ساقتالاتىنىن ايتىپ بەردٸ, دەپ حابارلايدى قازاقپارات.
«قازاقستاندا شەتەلدەن ەكەلٸنەتٸن دەرٸ-دەرمەك پەن ۆاكتسينالاردىڭ ساپاسى مەن جاقسى ساقتالۋىن قامتاماسىز ەتۋ مٸندەتتٸ. قازٸرگٸ تاڭدا بٸرىڭعاي دەستريبيۋتوردا ۆاكتسينانىڭ 20 تٷرٸ ساقتالۋدا. ولاردىڭ بەرٸ دە ەرەجە بويىنشا +2...+8 گرادۋستا ساقتالۋى تيٸس. الايدا -15...-20 گرادۋستا ساقتالۋى تيٸس ۆاكتسينالار دا بار. ولاردى تاسىمالداۋ نەمەسە ساقتاۋ بولسىن بۇل جۇمىس تەمپەراتۋرالىق رەجيمدٸ ەسەپكە الا وتىرىپ, جٷرگٸزٸلەدٸ. بٸزدەگٸ قويمالاردىڭ بەرٸ دە توڭازىتقىش كامەراسىمەن جاساقتالعان. ناقتى تالاپتارىمىز بار», - دەدٸ بەرٸك شەرٸپ دەنساۋلىق ساقتاۋ مينيسترلٸگٸنٸڭ ونلاين باسپاسٶز مەسليحاتىندا.
ونىڭ ايتۋىنشا, توڭازىتقىش كامەرالارىنا باسا دەن قويىلادى. ياعني وعان توق كەلمەي قالعان جاعدايدا دا قايتا قوسقانشا جۇمىسىن جالعاستىرا الاتىن قۋات كٶزدەرٸ بار.
«سونىمەن قاتار بٸزدە مەترولوگييالىق باقىلاۋ دا بار. وعان سەيكەس توڭازىتقىش كامەرالارىنىڭ بەرٸنە دە تەمپەراتۋرا مەن ىلعالدىلىقتى باقىلاپ وتىراتىن جٷيە ورناتىلعان. سەنسورلىق داتچيكتەر تەمپەراتۋرانىڭ كەز كەلگەن ٶزگەرٸسٸن قالت جٸبەرمەيدٸ. ۆاكتسينالاردى تاسىمالداۋدىڭ دا تەرتٸبٸ رەتكە كەلتٸرٸلگەن. بٸز ۆاكتسينالاردى توڭازىتقىش كامەرالارىنان الىپ شىققاننان كەيٸن دە جەتكٸزۋگە ارنالعان قۇرىلعى قاراستىرىلعان. ەيتسە دە تاسىمال كەزٸندە كٶلٸكتٸڭ ەربٸرٸندە سالقىنداتقىش ورناتىلعانىن اتاپ ٶتۋ كەرەك. ياعني الماتىدان نۇر-سۇلتانداعى قويماعا ۆاكتسينانى جەتكٸزۋدٸڭ ٶزٸ دەل وسىنداي تەرتٸپپەن, قۇجاتپەن رەسٸمدەلە جٷرگٸزٸلەدٸ», - دەدٸ ول.
بەرٸك شەرٸپ سونىمەن قاتار دسم-نىڭ تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ تاپسىرىسى نەگٸزٸندە ەلگە قاجەتتٸ ۆاكتسينا مٶلشەرٸ ساتىلىپ الىناتىنىن ايتادى. وسىدان كەيٸن ەلگە جەتكٸزٸلگەن ۆاكتسينانىڭ بەرٸ مەملەكەتتٸك تٸركەۋدەن ٶتٸپ, ەر پارتييا سەرتيفيكاتتاۋدان ٶتەدٸ.
