2017 jyldyń qarasha aiynyń 3-10 aralyǵynda qujat tekserý barysynda Qazaqstan Respýblikasynyń aýmaǵyna joǵary fitosanitariialyq qaýpi bar karantinge jatqyzylatyn ónimderdi ákelý kezinde Qazaqstan Respýblikasy jáne Eýraziialyq ekonomikalyq odaǵynyń ósimdikter karantini salasyndaǵy zańnamalyq buzýshylyqtyń 53 faktisi anyqtaldy. Bul týraly QR Aýyl sharýashylyǵy ministrliginiń baspasóz qyzmeti habarlady.
Resei Federatsiiasynan 19 jaǵdaida (kartop - 1,4 tonna, alma - 3 tonna, apelsin, mandarin, ananas, limon - 17,15 tonna, kúnbaǵys tuqymdary - 22 tonna, bidai - 102 tonna, aǵash daiyndamalary - 72 tekshe metr, kesilgen aǵash daiyndamalary - 160 tekshe metr) mindetti ilespe fitosanitariialyq sertifikatsyz ákelingen. Onyń ishinde, 2 jaǵdaida salmaǵy 20 tonna kartop óniminde - kartoptyń altyn tústes jumyrqurty jáne salmaǵy 19,85 tonna piiaz óniminde - aram soiaýlar atty karantindik obektiler anyqtaldy.
Ózbekstan Respýblikasynan 3 jaǵdaida jalpy salmaǵy 21,02 tonna qurma jáne anar ónimderinde - Komstok symyry atty karantindik obekt anyqtaldy.
Qyrǵyzstan Respýblikasynan 30 jaǵdaida ákelingen kelesi ónimder respýblika aýmaǵyna markirovkasyz (alma - 21,825 tonna, kúrish - 23,08 tonna, asqabaq tuqymy - 0,8 tonna, almurt - 5,05 tonna, jańǵaq - 8,35 tonna, burshaq - 22 tonna, banan - 1,2 tonna) jáne mindetti ilespe fitosanitariialyq sertifikatsyz (qurma - 3,4 tonna, alma - 1,1 tonna, kúrish - 0,08 tonna) ákelingen.
Sondai-aq, jalpy salmaǵy 218,165 tonna keptirilgen jemister, qurma, alma, júzim, almurt, jańǵaq ónimderinde karantindik obektiler - Komstok symyry, aram soiaýlar, shyǵys jemis jemiri anyqtaldy.
Qytai Halyq Respýblikasynan salmaǵy 69,16 tonna suly jarmasy jaramsyz fitosanitarlyq sertifikatpen ákelingen.
Zańbuzýshylyqqa jol bergen ónim ieleri ákimshilik jaýapkershilikke tartyldy. Joǵaryda kórsetilgen karantinge jatqyzylatyn ónimderdiń jalpy salmaǵy 578,83 tonna jáne 232 tekshe metr eksporttaýshy memleketterdiń aýmaǵyna qaitaryldy jáne 1,8 tonna ónim joiyldy.
