PTR anyqtamasynsyz Dýbaidan kelgen eki, Sharm-el-Sheihtan kelgen bir jolaýshydan koronavirýs infektsiiasy anyqtaldy, dep habarlaidy "Ult aqparat" Sanitariialyq - epidemiologiialyq baqylaý komitetine silteme jasap.
«29 qańtarda Qazaqstan Respýblikasynyń aýmaǵyna BAÁ, Mysyr, Túrkiia, Grýziia, RF jáne Belarýs Respýblikasynan 12 halyqaralyq áýe reisi keldi.
1 453 áýe jolaýshysynyń ishinde PTR-testileýdiń teris nátijesi bar anyqtamamen 1 217 adam, anyqtamasyz 236 QR azamaty keldi», delingen habarlamada.
Onyń ishinde:
Nur-Sultan qalasynyń áýejaiyna – 7 reis, 688 jolaýshy, anyqtamamen - 624; anyqtamasyz - 64;
Almaty qalasynyń áýejaiyna – 4 reis, 740 jolaýshy, anyqtamamen - 568, anyqtamasyz - 172;
Aqtaý qalasynyń áýejaiyna – 1 reis, 25 jolaýshy anyqtamamen keldi.
Anyqtamasy joq Qazaqstan azamattary kelgen jerleri boiynsha COVID-19-ǵa PTR test tapsyrady jáne karantin statsionarynda synama nátijesin kútedi.
«28 qańtarda anyqtamasyz kelgen 433 QR azamatynyń PTR taldaý nátijesi boiynsha 3 jolaýshydan koronavirýs infektsiia anyqtaldy. Olardyń ishinde 2 jolaýshy Dýbai – Nur-Sultan reisimen, bir jolaýshy Sharm-el-Sheih – Nur-Sultan reisimen kelgen», delingen habarlamada.
