Dúniejúzilik banktiń vitse-prezidenti, Investitsiialyq daýlardy retteý jónindegi halyqaralyq ortalyqtyń bas hatshysy Meg Kinner Qazaqstan Úkimetiniń ústinen qozǵalatyn investitsiialyq daýlar týraly pikir bildirdi, dep habarlaidy QazAqparat.
«Toqsanynshy jyldardyń ortasynan bastap investitsiialyq daýlardyń sany kúrt ósip ketti. Ósim búkil álem boiynsha baiqalǵan. Sońǵy jyldary investitsiialyq daýlarmen birge investitsiianyń kólemi de artqanyn kórýge bolady. Iaǵni, daýdyń kóbeigenine qaramastan, investitsiialyq kelisimderdiń sany azaiǵan joq», - dedi sarapshy «Daýlardy sheshý jáne aldyn alý tetikterin jetildirý» atty halyqaralyq vebinarda.
Meg Kinnerdiń aitýynsha, Qazaqstan Investitsiialyq daýlardy retteý jónindegi halyqaralyq ortalyqqa (ICSID) 1993 jyly múshe bolyp kirgen.
Sodan beri bizdiń memlekettiń qatysýymen 19 is qaralǵan.
«ICSID statistikasy boiynsha investitsiialyq daýlardyń 20 paiyzy Ortalyq Aziia elderine qatysty tirkeledi. Onyń kóbi, munai-gaz, kómirsýtek sektorymen bailanysty. Ońtústik Amerikaǵa – 35 paiyzy, Shyǵys Eýropaǵa –13 paiyzy keledi. Jalpy búkil investitsiialyq daýlardyń 30 paiyzy gaz ben munai óndirisine qatysty. Odan keiingi orynda 20 paiyzben elektr energiiasynyń naryǵy tur», - deidi halyqaralyq ortalyqtyń bas hatshysy.
ICSID ókili Qazaqstannyń aty atalatyn daýlarda tek el biligine qatysty shaǵymdar ǵana qaralmaitynyn eskertti.
Iaǵni, qazaqstandyq investorlardyń ózge elderdiń ústinen shaǵymdanǵan kezderi de bolǵan.
«Sizderge Qazaqstanmen qatysty investitsiialyq daýlar tym kóp siiaqty kórinýi múmkin. Biraq ózge elderde odan da kóp. Dál qazir Qazaqstanmen bailanysty 19 is bar. Sonyń ekeýi tórelik sheshim shyqqanyn kútpesten, aldyn ala aiaqtalǵan. Isterdiń sheshimin tabýy týraly aitsaq, teńgerimdi kórinis bar deýge bolady. Salalarǵa kelsek, munai-gaz óndirý jáne energetika salasyna búkil daýlardyń 16 paiyzy tiesili. Iaǵni, osy saladaǵy zańnamalyq bazany jetildirý kerek. Atalǵan salalardaǵy iýrisdiktsiiany bekemdeý úshin negizgi kúshti osy jaǵyna salý kerek shyǵar», - dedi Dúniejúzilik bank ókili.
