دٷنيەجٷزٸلٸك بانكتٸڭ ۆيتسە-پرەزيدەنتٸ, ينۆەستيتسييالىق داۋلاردى رەتتەۋ جٶنٸندەگٸ حالىقارالىق ورتالىقتىڭ باس حاتشىسى مەگ كيننەر قازاقستان ٷكٸمەتٸنٸڭ ٷستٸنەن قوزعالاتىن ينۆەستيتسييالىق داۋلار تۋرالى پٸكٸر بٸلدٸردٸ, دەپ حابارلايدى قازاقپارات.
«توقسانىنشى جىلداردىڭ ورتاسىنان باستاپ ينۆەستيتسييالىق داۋلاردىڭ سانى كٷرت ٶسٸپ كەتتٸ. ٶسٸم بٷكٸل ەلەم بويىنشا بايقالعان. سوڭعى جىلدارى ينۆەستيتسييالىق داۋلارمەن بٸرگە ينۆەستيتسييانىڭ كٶلەمٸ دە ارتقانىن كٶرۋگە بولادى. ياعني, داۋدىڭ كٶبەيگەنٸنە قاراماستان, ينۆەستيتسييالىق كەلٸسٸمدەردٸڭ سانى ازايعان جوق», - دەدٸ ساراپشى «داۋلاردى شەشۋ جەنە الدىن الۋ تەتٸكتەرٸن جەتٸلدٸرۋ» اتتى حالىقارالىق ۆەبيناردا.
مەگ كيننەردٸڭ ايتۋىنشا, قازاقستان ينۆەستيتسييالىق داۋلاردى رەتتەۋ جٶنٸندەگٸ حالىقارالىق ورتالىققا (ICSID) 1993 جىلى مٷشە بولىپ كٸرگەن.
سودان بەرٸ بٸزدٸڭ مەملەكەتتٸڭ قاتىسۋىمەن 19 ٸس قارالعان.
«ICSID ستاتيستيكاسى بويىنشا ينۆەستيتسييالىق داۋلاردىڭ 20 پايىزى ورتالىق ازييا ەلدەرٸنە قاتىستى تٸركەلەدٸ. ونىڭ كٶبٸ, مۇناي-گاز, كٶمٸرسۋتەك سەكتورىمەن بايلانىستى. وڭتٷستٸك امەريكاعا – 35 پايىزى, شىعىس ەۋروپاعا –13 پايىزى كەلەدٸ. جالپى بٷكٸل ينۆەستيتسييالىق داۋلاردىڭ 30 پايىزى گاز بەن مۇناي ٶندٸرٸسٸنە قاتىستى. ودان كەيٸنگٸ ورىندا 20 پايىزبەن ەلەكتر ەنەرگيياسىنىڭ نارىعى تۇر», - دەيدٸ حالىقارالىق ورتالىقتىڭ باس حاتشىسى.
ICSID ٶكٸلٸ قازاقستاننىڭ اتى اتالاتىن داۋلاردا تەك ەل بيلٸگٸنە قاتىستى شاعىمدار عانا قارالمايتىنىن ەسكەرتتٸ.
ياعني, قازاقستاندىق ينۆەستورلاردىڭ ٶزگە ەلدەردٸڭ ٷستٸنەن شاعىمدانعان كەزدەرٸ دە بولعان.
«سٸزدەرگە قازاقستانمەن قاتىستى ينۆەستيتسييالىق داۋلار تىم كٶپ سيياقتى كٶرٸنۋٸ مٷمكٸن. بٸراق ٶزگە ەلدەردە ودان دا كٶپ. دەل قازٸر قازاقستانمەن بايلانىستى 19 ٸس بار. سونىڭ ەكەۋٸ تٶرەلٸك شەشٸم شىققانىن كٷتپەستەن, الدىن الا اياقتالعان. ٸستەردٸڭ شەشٸمٸن تابۋى تۋرالى ايتساق, تەڭگەرٸمدٸ كٶرٸنٸس بار دەۋگە بولادى. سالالارعا كەلسەك, مۇناي-گاز ٶندٸرۋ جەنە ەنەرگەتيكا سالاسىنا بٷكٸل داۋلاردىڭ 16 پايىزى تيەسٸلٸ. ياعني, وسى سالاداعى زاڭنامالىق بازانى جەتٸلدٸرۋ كەرەك. اتالعان سالالارداعى يۋريسديكتسييانى بەكەمدەۋ ٷشٸن نەگٸزگٸ كٷشتٸ وسى جاعىنا سالۋ كەرەك شىعار», - دەدٸ دٷنيەجٷزٸلٸك بانك ٶكٸلٸ.
