Qazaqstanǵa mainerlerdi Energetika ministrligi shaqyrǵan joq. Ortalyq kommýnikatsiialar qyzmetinde ótken brifingide QR Energetika ministri Bolat Aqsholaqov osylai dep málim etti, dep habarlaidy QazAqparat.
«Mainerlerdiń kelýi elde elektr tapshylyǵyn týyndatyp jatsa, olardy nege shaqyrdyq? Naryqtyń esigin nege ashyp berdik», - dep surady BAQ ókili Energetika ministri Bolat Aqsholaqovtan.
Vedomstvo basshysy ol «shaqyrýǵa» ministrliktiń qatysy joq ekenin aitty.
«Energetika ministrligi elimizge eshqandai mainerdi shaqyrǵan joq. Olardyń kelýi elektr tapshylyǵyǵyn týǵyzatynyn bilgen bolsaq, bizdiń shaqyrýymyz tipten múmkin emes edi. Óitkeni bizdiń basty mindetimiz – elektr qýatyn úzdiksiz jetkizip otyrý», - dedi ministr.
Vedomstvo basshysy energetika naryǵyna mainerlerdi shaqyrý áreketine maman retindegi kózqarasyn da bildirdi.
«Naryq ashyq qoi. Sondyqtan da kelgen shyǵar. Shaqyrýmen kelýi de múmkin. Biraq kimniń shaqyryp júrgenin men bilmeimin. Tipti shaqyryp qajet te emes pe edi?... Qalai bolsa da, mainerler Qazaqstanda paida boldy. Energetika ministrliginiń olardy shaqyrmaǵyn anyq», - dedi Bolat Aqsholaqov.
