قازاقستانعا ماينەرلەردٸ ەنەرگەتيكا مينيسترلٸگٸ شاقىرعان جوق. ورتالىق كوممۋنيكاتسييالار قىزمەتٸندە ٶتكەن بريفينگٸدە قر ەنەرگەتيكا مينيسترٸ بولات اقشولاقوۆ وسىلاي دەپ مەلٸم ەتتٸ, دەپ حابارلايدى قازاقپارات.
«ماينەرلەردٸڭ كەلۋٸ ەلدە ەلەكتر تاپشىلىعىن تۋىنداتىپ جاتسا, ولاردى نەگە شاقىردىق? نارىقتىڭ ەسٸگٸن نەگە اشىپ بەردٸك», - دەپ سۇرادى باق ٶكٸلٸ ەنەرگەتيكا مينيسترٸ بولات اقشولاقوۆتان.
ۆەدومستۆو باسشىسى ول «شاقىرۋعا» مينيسترلٸكتٸڭ قاتىسى جوق ەكەنٸن ايتتى.
«ەنەرگەتيكا مينيسترلٸگٸ ەلٸمٸزگە ەشقانداي ماينەردٸ شاقىرعان جوق. ولاردىڭ كەلۋٸ ەلەكتر تاپشىلىعىعىن تۋعىزاتىنىن بٸلگەن بولساق, بٸزدٸڭ شاقىرۋىمىز تٸپتەن مٷمكٸن ەمەس ەدٸ. ٶيتكەنٸ بٸزدٸڭ باستى مٸندەتٸمٸز – ەلەكتر قۋاتىن ٷزدٸكسٸز جەتكٸزٸپ وتىرۋ», - دەدٸ مينيستر.
ۆەدومستۆو باسشىسى ەنەرگەتيكا نارىعىنا ماينەرلەردٸ شاقىرۋ ەرەكەتٸنە مامان رەتٸندەگٸ كٶزقاراسىن دا بٸلدٸردٸ.
«نارىق اشىق قوي. سوندىقتان دا كەلگەن شىعار. شاقىرۋمەن كەلۋٸ دە مٷمكٸن. بٸراق كٸمنٸڭ شاقىرىپ جٷرگەنٸن مەن بٸلمەيمٸن. تٸپتٸ شاقىرىپ قاجەت تە ەمەس پە ەدٸ?... قالاي بولسا دا, ماينەرلەر قازاقستاندا پايدا بولدى. ەنەرگەتيكا مينيسترلٸگٸنٸڭ ولاردى شاقىرماعىن انىق», - دەدٸ بولات اقشولاقوۆ.
