Densaýlyq saqtaý ministrliginiń resmi ókili 2020 jyldyń 1 aqpany – 1 naýryzy aralyǵynda barlyq elderden Qazaqstan Respýblikasyna 1 606 851 adam kelgenin málim etti, dep habarlaidy "Ult aqparat".
«Sonymen qatar EAEO aýmaǵynan 938 309 adam keldi. 6 aqpan men 1 naýryz aralyǵynda QHR-dan 32 456 adam keldi. Sanitarlyq dárigerdiń qaýlysyna sai, sanattar boiynsha aita keteiin. 1 A sanatyndaǵy, iaǵni 20 aqpan men 4 naýryz aralyǵynda Qytaidan kelgen 315 adam (64-i Qazaqstan azamaty, 251 - sheteldik, onyń ishinde 248-i Qytai azamaty) qazirgi tańda karantinde jatyr. Iran Islam Respýblikasynan osy aralyqta 24 adam kelgen. Onyń ishinde qazaqstandyqtar – 9, qalǵan 15-i irandyqtar», - dedi Qazmediada ótken baspasóz máslihatynda Dias Ahmetshárip.
Qazirgi ýaqytta 63 adam laboratoriialyq tekserýden ótip, olardan virýs anyqtalmaǵan.
«1 B sanatyna Qytaidyń Gonk-Kong arnaiy ákimshilik aýdany, sol siiaqty Makao, Taivan, Japoniia jáne Italiia kiredi. Osy 1 B sanaty boiynsha úi karantininde 512 adam jatyr. Onyń ishinde 393-i Qazaqstan azamaty bolsa, 119-y — sheteldikter, atap aitqanda 50-i Koreia, 65-i Italiia, 4-eýi Japoniia azamaty. JRVI jáne tumaý belgilerimen 12 adam statsionarǵa jatqyzyldy. Onyń 9-y Koreiadan kelgen. Italiiadan 1 adam jáne Maltadan kelgen 1 adam bar», - dedi ol.
Sondai-aq, Singapýr, Tailand jáne Ázerbaijan elderinen 20 aqpan men 3 naýryz aralyǵynda 1965 adam monitoringige alynyp, alǵashqy 14 kúndik dárigerdiń baqylaýyna alynǵan.
«1 adam qashyqtyq baqylaýda. 15 adam laboratoriialyq tekserýden ótti. Onyń 14-i virýs anyqtalǵan joq. Qalǵan bir analiz áli tekserilýde. 1 aqpannan bastap ekinshi sanat boiynsha JRVI jáne tumaý belgilerimen aýrýhanalarǵa 23 adam jatqyzyldy», - dedi ol.
