Densaýlyq saqtaý ministri Eljan Birtanov koronavirýs infektsiiasyn anyqtaýdyń test júiesi týraly aityp berdi, dep habarlaidy "Ult aqparat".
«Biz qazir 60 myń testiń jetkizilýin kútip otyrmyz. Odan bólek 40 myń testke tapsyrys berdik. Iaǵni jalpy biz 100 myń testi rezervke qoiamyz», - dedi Eljan Birtanov OKQ-da ótken baspasóz máslihatynda.
Ministr qazirgi tańda Qazaqstanda RF, QHR, BAÁ, AQSh jáne DDSU usynǵan (Germaniiada shyǵarylǵan) test-júieleri baryn aityp ótti.
«Jalpy bizge 15 myń test jetkizildi. Qazirgi tańda biz 3389 adamǵa 5093 testi paidalandyq. Qalǵan 9907 test bar. Osylardyń ishinde ekeýi oń nátije kórsetti. Ol týraly jańa aittym», - dedi ministr.
Eske sala ketsek buǵan deiin Densaýlyq saqtaý ministri Eljan Birtanov Qazaqstannyń eki azamatynan koronavirýs infektsiiasy tabylǵanyn málim etken edi.
