Foto: Tengrinews.kz/Turar Qazanǵapov
Keiingi kúnderi Qazaqstanǵa kelgen Resei azamattarynyń jartysynan kóbi elden shyǵyp ketti. Bul týraly ishki ister ministriniń birinshi orynbasary Marat Qojaev aitty, - dep habarlaidy Tengrinews.kz.
"100 myńǵa jýyq adam kirdi, búginde olardyń 65 paiyzy shyǵyp ketti. Keshegi kúni 64 myńnan astamy elimizden ketip qaldy", - dedi Qojaev Májilis kýlýarynda jýrnalister suraǵyna jaýap berip.
Ol bir apta ishinde Reseiden kelgen immigranttar birde-bir qylmys nemese quqyqbuzýshylyq jasaǵan joq dep sendirdi.
"Kóbine zańǵa baǵynatyn azamattar, ómir súrýge resýrsy bar kezde keledi. Olar quqyqbuzýshylyq jasaǵan jaǵdaida, árine, qarapaiym azamat siiaqty sharalar qabyldanady. Zań barlyǵyna birdei. Eger olar kóshi-qon zańnamasyn buzsa, onda elden shyǵarylady, eger qylmystyq quqyq buzýshylyq jasasa, qylmystyq jaýapkershilikke tartylady.
Biz shekarada jáne olar ornalasqan jerlerde kóshi-qon protsesterin baqylaimyz. Biz áleýmettik jelilerde de, BAQ-ta da profilaktikalyq jumystar júrgizip, maqsatty túsindirý jumystaryn júrgizip jatyrmyz", - dedi ol.
Sondai-aq, ol ázirge Ishki ister ministrligine Reseiden izdeýde júrgender tizimi kelmegenin túsindirdi.
