Foto: ©RIA Novosti
Resei azamattarynyń Qazaqstanǵa kelýi 2021 jylmen salystyrǵanda eki ese ósti. Ulttyq qaýipsizdik komiteti málimetinshe, aqpan-sáýir aralyǵynda Qazaqstanǵa 128 myńnan astam reseilik kelgen, - dep habarlaidy Tengrinews.kz.
"Biyl aqpan-sáýir aralyǵynda Qazaqstanǵa 128 myńnan astam Resei azamaty jáne 3 074 Ýkraina azamaty kelgen. 2021 jyldyń osy kezeńinde Qazaqstanǵa 58 myńnan astam Resei azamaty jáne 2 617 Ýkraina azamaty kelgen. Derekter 2021 jylmen salystyrǵanda Reseiden keletin azamattar aǵyny eki esege, al Ýkrainadan 15 paiyzǵa artqanyn kórsetedi", - dedi vedomstvo redaktsiianyń resmi saýalyna bergen jaýabynda.
Buǵan deiin 2022 jyldyń qańtar-naýryz aralyǵynda 16 837 Resei azamaty Qazaqstanda ýaqytsha turýǵa ruqsat alǵany habarlanǵan bolatyn. Ishki ister ministrligi málimetinshe, eń kóp reseilikter Qyzylorda oblysyna - 2463, Almatyǵa - 2116, BQO - 1677, Qostanai oblysyna - 1525 kelgen.
