Midjourney
Qaitarylǵan aktivterdi basqarý kompaniiasy Almatydaǵy óndiristik bazany aýktsion túrinde elektron saýdada satý týraly habarlady, - dep habarlaidy Ult.kz Tengrinews.kz-ke silteme jasap.
Atalǵan aktiv e-qazyna veb-platformasynda bastapqy baǵa deńgeiinde — 1 622 390 000 teńgege satyldy.
"Túsken qarajat Arnaiy memlekettik qorǵa baǵyttalady", – delingen habarlamada.
Bul qarajat eldi damytýǵa jáne qaitarylǵan aktivterdi utymdy paidalanýǵa baǵyttalǵan ekonomikalyq mindetterdi oryndaýǵa arnalǵan negizgi resýrs bolatyny atap ótildi.
Óndiristik bazanyń jalpy aýdany 6121,4 sharshy metr bolady. Onyń quramyna tórt ákimshilik ǵimarat, tórt turǵyn emes nysan jáne bir qoima kiredi.
Jaqyn arada elektron saýdaǵa taǵy 7 túrli aktivti shyǵarý josparlanǵan, olardyń ishinde jer ýchaskeleri, turǵyn emes nysandar jáne Almaty men Astanadaǵy ákimshilik ǵimarattar, sondai-aq eki jaýapkershiligi shekteýli seriktestiktiń úlesteri bar.
