Qazaqstanǵa importtalǵan tuqymdardan sábiz ben baldyrkóktiń barlyq daqylyn joiyp jibere alatyn bakteriia anyqtaldy, dep habarlaidy "Ult aqparat" AShM baspasóz qyzmetine silteme jasap.
«Biyl sáýir aiynan mamyr aiyna deiin Qazaqstanǵa Germaniia, Niderlandy jáne Frantsiia elderinen jetkizilýi tiis 228 tonna tuqymdyq kartopty, 46,4 keli frantsýz sábiz tuqymyn teksergende QR Aýyl sharýashylyǵy ministrliginiń Agroónerkásip keshenindegi memlekettik inspektsiia komitetiniń mamandary kartop tuqymynan (zebra chipi) ziiandy qozdyrǵysh bakteriiasyn anyqtady», delingen habarlamada.
Candidatus Liberibacter Solanacearum bakteriiasy ISO 17025 halyqaralyq standartyna sáikes akkredittelgen Ósimdikter karantini respýblikalyq ortalyǵyna qarasty Almaty aimaqtyq karantindik zerthanasynyń saraptama qorytyndysy arqyly rastalǵan.
Zertteýler adami faktor áser ete almaityn jáne jalǵan oń nátije kórsetý múmkindigin boldyrmaityn sertifikattalǵan test-jiyntyqtar qoldanylyp, PTR taldaýǵa arnalǵan joǵary sezimtal detektsiialaý jabdyǵymen júrgizildi.
«Candidatus Liberibacter Solanacearum Qazaqstan Respýblikasynyń aýmaǵyna joǵary fitosanitarlyq qaýip tóndiredi. Zebra chipi kartopqa, qyzanaqqa, sábiz ben baldyrkókke jáne basqa da daqyldarǵa keri áser etedi. Bakteriialar respýblika aýmaǵyna taralatyn bolsa, ónimdi túgeldei joiyp jiberýi múmkin jáne eldiń azyq-túlik qaýipsizdigine nuqsan keltiredi», delingen habarlamada.
Juqpaly bakteriiasy bar tuqym faktileri boiynsha tiisti karantindik qujattar resimdeldi. QR Ákimshilik quqyq buzýshylyq týraly kodekske sáikes materialdar sottyń qaraýyna jiberildi. Onyń sheshimi boiynsha tiisti sharalar qabyldanady.
