Sońǵy kezderi kedendik bajdar men salyq tóleýden bosatylǵan ýaqytsha ákelingen kólik quraldaryn Qazaqstan aýmaǵyna alyp kelý jaǵdailary jiilep ketken, dep habarlaidy "Ult aqparat" QM memlekettik kirister komitetine silteme jasap.
Atap ótetin jaǵdai, kórsetilgen avtomashinalardyń basym kópshiligi Eýraziialyq ekonomikalyq odaqtyń (EAEO) kedendik aýmaǵyna Mańǵystaý oblysy boiynsha Memlekettik kirister departamentiniń ótkizý pýnktteri arqyly ýaqytsha ákelingen. Olar óz mártebesi boiynsha sheteldik taýarlar (iaǵni EAEO taýarlary bolyp tabylmaidy) jáne kedendik baqylaýda bolady.
EAEO Kedendik kodeksiniń 264-babynyń 6-tarmaǵyna jáne 275-babynyń 2-tarmaǵyna sáikes ýaqytsha ákelingen kólik quraldary deklaranttyń (ákelýdi júzege asyrǵan tulǵa) is júzinde ieliginde jáne paidalanýynda EAEO kedendik aýmaǵynda bolýǵa tiis.
Alaida, búgingi tańda Qazaqstan Respýblikasynyń aýmaǵyna ýaqytsha ákelingen kólik quraldary keden bajdar men salyqtardy tóleýden, kedendik tazartýdan jaltaryp memlekettik tirkeýge qoiylyp jatqan faktiler anyqtalýda.
Mysaly, shetel azamattary jeke paidalanýyna arnalǵan sheteldik kólikterdi ákelgen soń, Qazaqstan Respýblikasynyń aýmaǵynan birshama ýaqyttan keiin ketip qalyp jatyr (bular negizinde Grýziia men Ázerbaijan azamattary).
Bul kólik quraldary tiesili kedendik bajdar men salyqtardy tóleýsiz Qazaqstan Respýblikasynyń aýmaǵynda tirkeýge qoiyp, Qazaqstan azamatyna berý maqsatynda EAEO aýmaǵyna ákelingeni týraly paiymdaýǵa negiz bolap otyr.
Qazirgi tańda QR QM Memlekettik kirister komiteti kedendik bajdar men salyqtardy tóleýsiz Qazaqstan Respýblikasynyń aýmaǵyna tirkeýge qoiylǵan 156 kólik quralyn anyqtady.
Osyǵan bailanysty QR QM MKK Qazaqstannyń barlyq azamattaryna ýaqytsha ákelingen kólik quraldaryn tek kedendik bajdar men salyqtardy tólegennen keiin ǵana satyp alýǵa jáne Qazaqstan aýmaǵynda atalǵan kólik quraldaryn paidalanýǵa bolatynyn eskertedi.
