28 aqpan kúni Qazaqstan aýmaǵyna Germaniia, Shri-Lanka, Saýd Arabiiasy, Maldiv Respýblikasy, BAÁ, Mysyr, Túrkiia, Ýkraina, Resei, Ózbekstan jáne Qyrǵyzstannan 23 halyqaralyq áýe reisi keldi.
3 210 áýe jolaýshysynyń ishinde PTR-testileýdiń teris nátijesi bar anyqtamamen 2 481 adam, anyqtamasyz 729 QR azamattary keldi, dep habarlaidy "Ult aqparat" QR QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Ondaǵy aqparattarǵa qaraǵanda, elge kelgen azamattardyń ishinde:
Almaty qalasynyń áýejaiyna – 15 reis, 2 033 jolaýshy, anyqtamamen – 1 693, anyqtamasyz - 340;
Nur-Sultan qalasynyń áýejaiyna – 8 reis, 1 177 jolaýshy, anyqtamamen - 788; anyqtamasyz - 389.
Anyqtamasyz kelgen Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde.
2021 jyldyń 27 aqpanynda shetelden anyqtamasyz kelgen Qazaqstan azamattarynyń PTR taldaýlarynyń nátijelerine sáikes, anyqtamasyz kelgen 473 QR azamatynyń PTR-taldaý nátijeleri boiynsha Dýbai – Almaty reisimen kelgen tórt jolaýshydan koronavirýstyq infektsiia anyqtaldy.
