Foto: Wfin.kz
Byltyr Qazaqstanǵa jumys babymen nemese turaqty turýǵa kelgenderdi eseptemegende, týristik maqsatpen 15,3 mln sheteldik qonaq kelgen, dep habarlaidy Ult.kz.
Resmi statistikaǵa sáikes, sheteldik meimandardyń elimizde ortasha bolý merzimi – 4 kún.
"Salaǵa salynǵan investitsiia kólemi de artyp keledi. Sońǵy 5 jylda 550 mlrd teńgege 600-den astam joba iske asyrylǵan. Aldaǵy 2 jylda taǵy 181 jańa týristik nysan salynady. Bul jobalarǵa 1,1 trln teńge tartylǵan", - delingen Sport jáne týrizm ministrliginiń habarlamasynda.
Ulttyq bank málimetinshe, alys shetelden kelgen týrister Qazaqstanǵa sapary kezinde orta eseppen 1500 AQSh dollaryn jumsaidy. 2024 jyly sheteldik týrister elimizdiń aýmaǵynda 1,2 trln teńgeden astam qarajat jumsady.
Osylaisha týrizm boiynsha Qazaqstan álemdik reitingte bir jylda 66 orynnan 52-orynǵa kóterildi.
