2020 jyldyń 11 aiynda Qazaqstanda jańadan tirkelgen kólikterdiń sany 37,6 paiyzǵa artty. Mundai málimetti «QazAvtoÓnerkásip» Qazaqstannyń avtomobil salasy kásiporyndarynyń odaǵy usynyp otyr, dep habarlaidy "Ult aqparat".
Odaq málimetinshe, esepti kezeń ishinde ákimshilik politsiia organdary 1 224 753 avtokólik quralyn tirkeýge qoidy. Bul ótken jyldyń 11 aiyndaǵy kórsetkishten 10,1 paiyzǵa az. 1 096 350 tehnikanyń iesi aýysýyna bailanysty qaita tirkeýge alynyp otyr. Bul, bir jyl burynǵy kórsetkishten 13,7 paiyzǵa (1 269 677) kem. Al alǵash ret tirkelgen kólikterdiń sany 128 403 tehnikany qurap, 2019 jylmen salystyrǵanda 37,6 paiyzǵa kóp boldy. Onyń ishinde biyl alǵash ret tirkeýge alynǵan Armeniiadan jetkizilgen 16 747 jeńil kólik bar.
2020 jyldyń qarasha aiynyń qorytyndysynda tirkeýge qoiylǵan avtokólikterdiń sany 140 120 tehnika boldy. Bul da ótken jylǵy nátijeden 7,7 paiyzǵa artyq. Onyń ishinde qaitalama naryqta 125 844 kólik satyldy. Osy jyldyń qazanymen salystyrǵanda qarashada tirkelgen kólikter sany 9,3 paiyzǵa kemidi.
2020 jyldyń 11 aiynda Qazaqstan aýmaǵynda elektr energiiasymen júretin 54 jeńil kólik alǵash ret tirkelip otyr. Ótken jyly mundai 29 avtomobil tirkelgen bolatyn.
Osy jyldyń 11 aiynda qaitadan tirkeýge alynǵan kólik quraldarynyń úshten ekisi osydan keminde 10 jyl buryn quralǵan tehnikany quraidy. Onyń ishinde shyǵarylǵanyna 20 jyldan asyp ketken 452 036, 11-20 jyl bolǵan 283 575, 4-7 jyl bolǵan 188 961, 8-10 jyl bolǵan 108 584, 1-3 jyl bolǵan 53 487, 1jyl da bolmaǵan 9 707 kólik bar.
Biylǵy 11 aida qaita esepke alynǵan eń kóp avto Almaty oblysynda (167 872), Almaty qalasynda (143 801) jáne Túrkistan oblysynda (100 130) tirkelgen. Buǵan qosa, Almaty oblysy turǵyndary qaita tirkegen 94 376 kólik quralynyń shyǵarylǵanyna 20 jyldan asyp ketken. Osy kriterii boiynsha ekinshi satyda turǵan Túrkistan oblysynda mundai 45 696, al Jambyl oblysynda 42 187 kólik tirkeýge alynǵan. Al shyǵarylǵanynda 1-3 jyl aralyǵyndaǵy kólikterdiń qaita tirkeýge alynýy Almaty qalasynda (10 940), Nur-Sultanda (8 423) jáne Shymkentte (5 351) joǵary bolyp tur.
