Qazaqstanǵa amerikalyq koronavirýsqa qarsy vaktsinalardy, sonyń ishinde Pfizer ónimderin jetkizý múmkindigi bar. Bul týraly Qazaqstandaǵy AQSh elshisi Ýiliam Mozer aitty, dep habarlaidy "Ult aqparat".
Elshi Qazaqstanǵa Pfizer vaktsinalaryn jetkizý boiynsha kelissózderden beihabar ekenin aitty.
«Men amerikalyq vaktsinalardy satyp alý múmkindigi bar ekenin bilemin. Árine, AQSh jaqtaýshysy retinde Qazaqstannyń bizdiń vaktsinalardy satyp alǵanyn qalar edim. Sebebi men olardy tiimdi jáne óte jaqsy vaktsinalar dep oilaimyn», - dedi Mozer AQSh elshiligi uiymdastyrǵan onlain dóńgelek ústelde tilshi suraǵyna bergen jaýabynda.
Sonymen birge, elshi vaktsinalardy 2022 jyldan erterek merzimde jetkizý týraly suraqtarǵa jaýap berdi.
«Meniń oiymsha, jetkizý múmkindigi bar. Biraq bul - tehnikalyq jáne kommertsiialyq másele. Men naqty aita almaimyn (...). Meniń oiymsha, AQSh-ta bizdiń azamattarymyzdy qamtý úshin vaktsinalar jetkilikti», - dedi elshi.
