IIM 21 qazannan bastap turǵylyqty jeri boiynsha tirkeýi joq azamattarǵa SMS-habarlamalardy jiberýdi bastady, - dep habarlaidy Polisia.kz.
"Eger osyndai SMS-habarlama kelip túsken bolsa, onda IIM derekqorynda sizdiń tirkelýińiz týraly málimet joq. Sondyqtan sizge turǵylyqty jerińiz boiynsha tirkelý qajet.
Mundai habarlamalardy jiberýdiń maqsaty - naqty turatyn jeri boiynsha tirkeýsiz turýǵa bailanysty ákimshilik quqyq buzýshylyqtardyń aldyn alý, sondai-aq áleýmettik-ekonomikalyq turǵydan osal azamattarǵa qosymsha qarjylyq júktemeni azaitý (ákimshilik jaýapkershilikke tartýdy boldyrmaý úshin)", - delingen habarlamada.
Búginde turǵylyqty jeri boiynsha tirkeýsiz turǵany úshin 10 kúnnen 1 aiǵa deiin eskertý túrinde ákimshilik jaýapkershilik, 1 aidan asa ýaqytqa 7 ailyq eseptik kórsetkish nemese 21 441 teńge mólsherinde aiyppul qarastyrylǵan ("Ákimshilik quqyq buzýshylyq týraly" Qazaqstan Respýblikasy Kodeksiniń 492-baby).
Qazirgi ýaqytta turǵylyqty jeri boiynsha tirkeý qyzmeti "Elektrondyq úkimet" portalynda qoljetimdi.
Ózińizdiń turǵylyqty jerińiz boiynsha tirkelýińizdi portaldaǵy "jeke kabinette" (eGov.kz) nemese eGov mobile mobildi qosymshasynda teksere alasyz.
