QR Indýstriia jáne infraqurylymdyq damý ministrliginde aldaǵy jylytý maýsymyna daiyndyq máselesi pysyqtaldy, dep habarlaidy "Ult aqparat".
"Vedomstvo basshysy Qaiyrbek Óskenbaevtyń tóraǵalyǵymen ótken keńeske QR IIDM vitse-ministri Erkebulan Daýylbaev, Indýstriialyq damý komitetiniń tóraǵasy Iliias Ospanov, «Qazaqstan temir joly» UK» AQ basqarýshy direktory Baýyrjan Orynbasarov jáne jergilikti atqarýshy organdar men kómir óndirýshi kásiporyndardyń ókilderi qatysty.
Qazirgi tańda biýdjettik uiymdar men halyq úshin kómir qajettiliginiń 2022-2023 jyldarǵa arnalǵan jospary qalyptastyryldy. Oǵan sáikes kómirdi jalpy tutyný kólemi shamamen 9,5 mln tonnany quraidy. Onyń ishinde kommýnaldyq-turmystyq sektorǵa 2,8 mln tonna qarastyrylsa, 6,7 mln tonna kómir halyqqa arnalǵan" - delingen habarlamada.
«Jylytý maýsymyna daiyndyq jumystaryn ministrlik 2022 jyldyń naýryz aiynan bastady. Al jergilikti atqarýshy organdarǵa 15 shildeden kómir daiyndaý jumystaryn bastaý usynyldy. Sondai-aq aldaǵy qysqy maýsymda kómir tapshylyǵyn aldyn alý maqsatynda arnaiy Jol kartasy ázirlendi. Atalǵan karta Nur-Sultan, Almaty, Shymkent qalalary men oblys ákimdikterine joldandy», – dep atap ótti IIDM Indýstriialyq damý komitetiniń tóraǵasy Iliias Ospanov.
Jiyndy qorytyndylaǵan Qaiyrbek Óskenbaev jaýapty tulǵalarǵa jylytý maýsymyna daiyndyq jumystaryn turaqty baqylaýda ustaýdy tapsyrdy.
