قر يندۋسترييا جەنە ينفراقۇرىلىمدىق دامۋ مينيسترلٸگٸندە الداعى جىلىتۋ ماۋسىمىنا دايىندىق مەسەلەسٸ پىسىقتالدى, دەپ حابارلايدى "ۇلت اقپارات".
"ۆەدومستۆو باسشىسى قايىربەك ٶسكەنباەۆتىڭ تٶراعالىعىمەن ٶتكەن كەڭەسكە قر ييدم ۆيتسە-مينيسترٸ ەركەبۇلان داۋىلباەۆ, يندۋسترييالىق دامۋ كوميتەتٸنٸڭ تٶراعاسى ٸليياس وسپانوۆ, «قازاقستان تەمٸر جولى» ۇك» اق باسقارۋشى ديرەكتورى باۋىرجان ورىنباساروۆ جەنە جەرگٸلٸكتٸ اتقارۋشى ورگاندار مەن كٶمٸر ٶندٸرۋشٸ كەسٸپورىنداردىڭ ٶكٸلدەرٸ قاتىستى.
قازٸرگٸ تاڭدا بيۋدجەتتٸك ۇيىمدار مەن حالىق ٷشٸن كٶمٸر قاجەتتٸلٸگٸنٸڭ 2022-2023 جىلدارعا ارنالعان جوسپارى قالىپتاستىرىلدى. وعان سەيكەس كٶمٸردٸ جالپى تۇتىنۋ كٶلەمٸ شامامەن 9,5 ملن توننانى قۇرايدى. ونىڭ ٸشٸندە كوممۋنالدىق-تۇرمىستىق سەكتورعا 2,8 ملن توننا قاراستىرىلسا, 6,7 ملن توننا كٶمٸر حالىققا ارنالعان" - دەلٸنگەن حابارلامادا.
«جىلىتۋ ماۋسىمىنا دايىندىق جۇمىستارىن مينيسترلٸك 2022 جىلدىڭ ناۋرىز ايىنان باستادى. ال جەرگٸلٸكتٸ اتقارۋشى ورگاندارعا 15 شٸلدەدەن كٶمٸر دايىنداۋ جۇمىستارىن باستاۋ ۇسىنىلدى. سونداي-اق الداعى قىسقى ماۋسىمدا كٶمٸر تاپشىلىعىن الدىن الۋ ماقساتىندا ارنايى جول كارتاسى ەزٸرلەندٸ. اتالعان كارتا نۇر-سۇلتان, الماتى, شىمكەنت قالالارى مەن وبلىس ەكٸمدٸكتەرٸنە جولداندى», – دەپ اتاپ ٶتتٸ ييدم يندۋسترييالىق دامۋ كوميتەتٸنٸڭ تٶراعاسى ٸليياس وسپانوۆ.
جيىندى قورىتىندىلاعان قايىربەك ٶسكەنباەۆ جاۋاپتى تۇلعالارعا جىلىتۋ ماۋسىمىنا دايىندىق جۇمىستارىن تۇراقتى باقىلاۋدا ۇستاۋدى تاپسىردى.
