Búgin Premer-Ministr orynbasary Eraly Toǵjanovtyń tóraǵalyǵymen Qazaqstan Respýblikasynyń aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń otyrysy ótti, dep habaarlaidy Úkimettiń baspasóz qyzmeti.
Keńeske memlekettik organdardyń ókilderi men óńirlerdiń basshylary qatysty.
Eldegi epidemiologiialyq jaǵdaidyń turaqtanýyn eskere otyryp, Qazaqstan Respýblikasynyń aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiia sheshim qabyldady:
- Epidemiologiialyq qaýiptiń "sary" jáne "jasyl" aimaqtarda barlyq nysanda: "Ashyq" mobildi qosymshasyn mindetti túrde paidalaný, áleýmettik qashyqtyqty saqtaýǵa qoiylatyn talaptar, mindetti termometriia alynyp tastalady;
- Barlyq aimaqta ashyq aýada maska taǵý mindetti emes;
- COVID-ke qarsy vaktsina almaǵan qyzmetkerlerge kúndizgi rejimde jumysqa barýǵa shekteý qoiylmaidy;
- Vahtalyq ádispen jumys isteitin qyzmetkerler úshin vahtaǵa kirý jáne shyǵý kezinde PTR ádisimen mindetti zerthanalyq testileý alynyp tastaldy.
Vitse-premer Eraly Toǵjanov ákimdikterge azamattardy vaktsinatsiialaý men qaita vaktsinatsiialaý qarqynyn kúsheitýdi tapsyrdy.
Qazirgi ýaqytta eldiń barlyq óńiri "jasyl" aimaqta tur.
