Elimizde 2022 jylǵy naýryzda 1,9 trln teńgege jańa kreditter berildi. Bul ótken aqpan aiyna qaraǵanda 5,5%-ǵa kóp, dep habarlaidy QazAqparat Qarjy naryǵyn retteý jáne damytý agenttigine silteme jasap.
Agenttiktiń málimetinshe, ekonomikaǵa kreditter 2022 jylǵy naýryzda 0,6%-ǵa ulǵaiyp, 19,2 trln teńgeni qurady. 2022 jylǵy naýryzda jeke tulǵalarǵa berilgen kreditter 1,2%-ǵa 11,2 trln teńgege deiin ulǵaidy, al zańdy tulǵalarǵa berilgen kreditter 0,2%-ǵa 8,1 trln teńgege deiin tómendegen
«2022 jylǵy naýryzda ulttyq valiýtadaǵy kreditter kólemi 1,7%-ǵa 17,4 trln teńgege deiin ulǵaidy, shetel valiýtasyndaǵy kreditter kólemi, negizinen, teńgeniń aiyrbastaý baǵamynyń 5,7%-ǵa(bir dollar úshin 495,0 teńgeden 467,0 teńgege deiin) nyǵaiýy nátijesinde 8%-ǵa 1,9 trln teńgege deiin tómendedi. 2022 jylǵy 1 naýryzda teńgemen kreditterdiń úles salmaǵy 90,3%-dy qurady. 2022 jylǵy naýryzda 1,9 trln teńgege jańa kreditter berildi, bul 2022 jylǵy aqpanǵa qaraǵanda 5,5%-ǵa kóp», - delingen habarlamada.
Sonymen qatar naýryz aiynyń qorytyndysy boiynsha 90 kúnnen astam merzimi ótken bereshegi bar kreditterdiń úlesi kredit portfeliniń jalpy kóleminiń 3,6%-n qurady (2022 jyldyń basynda – 3,3%).
Shaǵyn jáne orta biznesti esepke alǵanda zańdy tulǵalardyń portfelinde 90 kúnnen astam merzimi ótken bereshegi bar qaryzdardyń deńgeii 4,3%-dy qurady (2022 jylǵy qańtarda – 3,4%). Jeke tulǵalardyń portfelinde – 3,7% (2022 jylǵy qańtarda – 3,7%). 90 kúnnen astam merzimi ótken bereshegi bar kreditterdi proviziialarmen óteý deńgeii 74,9%-dy qurady.
