WhatsApp-ta elimizdiń árbir azamatyna "193 817 lv" mólsherinde tólem jasalatyny týraly habarlama tarap jatyr. Bul týraly Prezident Qasym-Jomart Toqaev kezekten tys sailaýdan keiin málimdegen eken. Stopfake.kz portaly aqparattyń jalǵan ekenin habarlady.
Habarlamany oqyǵanda kózge túsetin birinshi nárse - adamdarǵa qarajat tólenetin valiýta - lv. Bul - bolgar ulttyq valiýtasynyń belgisi, iaǵni "lev". Qazaqstanda bul valiýta paidalanylmaidy jáne eshqandai memlekettik tólemder júrgizilmeidi.
Sonymen qatar tólemdi alý úshin qandai da bir resmi resýrsqa emes, Fi-fa Qatar meken jaiy boiynsha saitqa ótý usynylatynyna nazar aýdarǵan jón. Is júzinde QR azamattary ataýly áleýmettik kómek alýǵa ótinimderdi tek eGov.kz portalynda ǵana bere alady.
Qasym-Jomart Toqaevtyń prezidenttikke qaita sailanǵan jaǵdaida, jappai aqshalai tólemder jasalatyny týraly sózi de shyndyqqa janaspaidy. Onyń sailaýaldy naýqanynda bul týraly eshteńe aitylǵan joq.
"Habarlamada atalǵan qazaqstandyqtarǵa tólenetin tólemder týraly BAQ-ta da, memlekettik organdardyń resmi saittarynda da aqparat joq. Demek, taralǵan habarlama ótirik.
Mundai platformalardy kiber alaiaqtar jasaidy. Osylaisha, olar paidalanýshylardyń jeke derekterin iemdenip, olardy óz maqsattarynda paidalanady", - dep jazady portal.
