2021 jylǵy 1 aqpandaǵy jaǵdai boiynsha Qazaqstan salymshylarynyń zeinetaqy jinaǵynyń somasy 13,1 trillion teńge boldy, dep habarlaidy "Ult aqparat".
Biryńǵai jinaqtaýshy zeinetaqy qory salymshylarynyń shotynda 13,1 trillion teńge zeinetaqy jinaǵy qalyptasty. Bir jyl ishinde onyń somasy 2,2 trillion teńgege artty nemese 21% ósti.
Zeinetaqy jinaǵynyń negizgi somasy mindetti zeinetaqy jarnasy esebinen quraldy, onyń mólsheri - 12,8 trln teńge. Mindetti kásiptik zeinetaqy jarnasy boiynsha - 324,4 mlrd teńge, al erikti zeinetaqy jarnasy 2,2 mlrd teńgege jetti.
2021 jyldyń 1 qańtarynan 1 aqpanyna deiingi bir ai ishinde BJZQ salymshylarynyń shottaryna 176,7 mlrd teńge mólsherinde taza investitsiialyq tabys eseptelgenin atap ótken jón, bul ótken 2020 jyldyń sáikes kezeńimen salystyrǵanda 148,5 mlrd teńgege artyq.
2021 jyldyń basynan beri BJZQ salymshylarynyń shottaryna 88,9 mlrd teńge taza investitsiialyq tabys esepteldi. Bul 2020 jyldyń sáikes kezeńimen salystyrǵanda 2,3 mlrd teńgege nemese 3% artyq. Jarnalardyń jalpy kóleminiń 93,3% BJZQ-ǵa MZJ boiynsha túsimder quraidy – 82,8 mlrd teńge (ósim 2%), 5,9 mlrd teńge (ósim 20%) MKZJ boiynsha kelip tústi, 29 mln teńge (ósim 82%) EZJ boiynsha aýdaryldy.
2021 jylǵy 1 aqpandaǵy jaǵdai boiynsha BJZQ-daǵy jeke zeinetaqy shottarynyń sany 11,6 mln birlikti qurady (jyl ishindegi ósim 11%). Shottardyń eń kóp sany mindetti zeinetaqy jarnalary (MZJ) boiynsha ashyldy – 10 977 453 (jyl ishindegi ósim 11%). Odan ári MKZJ esebinen qalyptasqan shottar - 529 571 (ósim 4%), BJZQ-daǵy EZJ esebinen qalyptasqan shottar sany qazir 59 034 (ósim 8%).
Tólemder 73,8 mlrd teńgeni qurady, 2020 jylǵy 1 aqpandaǵy kórsetkishtermen salystyrǵanda soma 55,9 mlrd teńgege ulǵaidy. Kóp jaǵdaida mundai ósý 2021 jylǵy 30 qańtarda Úkimettiń 2021 jylǵy 19 qańtardaǵy qaýlysymen bekitilgen Zeinetaqy tólemderin, turǵyn úi jaǵdailaryn jaqsartý jáne (nemese) emdelýge aqy tóleý maqsatynda birjolǵy zeinetaqy tólemderin júzege asyrý qaǵidalarynyń kúshine enýimen bailanysty.
