2021 jylǵy 1 qazandaǵy jaǵdai boiynsha Qazaqstan salymshylarynyń zeinetaqy jinaǵynyń somasy 13,1 trillion teńge boldy, dep habarlaidy QazAqparat.
«2021 jyldyń qazanyna qarai Biryńǵai jinaqtaýshy zeinetaqy qory salymshylarynyń shotynda 13,1 trillion teńge zeinetaqy jinaǵy qalyptasty. Bir jylda zeinetaqy jinaǵynyń somasy 569,5 milliard teńgege para-par nemese 5 % ósti»,– delingen habarlamada.
Zeinetaqy jinaqtarynyń negizgi somasy mindetti zeinetaqy jarnasy esebinen qalyptasty, onyń mólsheri - 12,7 trln teńge.
Mindetti kásiptik zeinetaqy jarnasy boiynsha zeinetaqy jinaǵynyń somasy 349,5 mlrd teńge, al erikti zeinetaqy jarnasy boiynsha zeinetaqy jinaǵynyń somasy 1,6 mlrd teńgeden asty.
2021 jyldyń basynan beri salymshylardyń shotyna jalpy kólemi 1,2 trln teńge zeinetaqy jarnasy aýdarylǵan, byltyrǵy jyldyń osy kezeńindegi kórsetkishten 439,5 mlrd teńgege nemese 57 paiyz joǵary.
Jyl basynan beri BJZQ salymshylaryna shamamen 2,1 trln teńge tólendi, tólemderdiń basym bóligin birjolǵy zeinetaqy tólemi (BZT) qurady, onyń kólemi – 1,9 trln teńge.
Tólemder somasy boiynsha ekinshi orynda jasy boiynsha tólemder – 71,6 milliard teńge. Odan ári saqtandyrý uiymdaryna aýdarymdar, ol shamamen 47,6 milliard teńge, muragerlik boiynsha tólemder – 43,3 milliard teńge, Qazaqstan Respýblikasynan tys tys turǵylyqty turatyn jerge ketý– 29,1 milliard teńge, jerleýge – 4,0 milliard teńge jáne múgedektik boiynsha tólemder - 1,6 milliard teńge.
