2021 جىلعى 1 قازانداعى جاعداي بويىنشا قازاقستان سالىمشىلارىنىڭ زەينەتاقى جيناعىنىڭ سوماسى 13,1 تريلليون تەڭگە بولدى, دەپ حابارلايدى قازاقپارات.
«2021 جىلدىڭ قازانىنا قاراي بٸرىڭعاي جيناقتاۋشى زەينەتاقى قورى سالىمشىلارىنىڭ شوتىندا 13,1 تريلليون تەڭگە زەينەتاقى جيناعى قالىپتاستى. بٸر جىلدا زەينەتاقى جيناعىنىڭ سوماسى 569,5 ميلليارد تەڭگەگە پارا-پار نەمەسە 5 % ٶستٸ»,– دەلٸنگەن حابارلامادا.
زەينەتاقى جيناقتارىنىڭ نەگٸزگٸ سوماسى مٸندەتتٸ زەينەتاقى جارناسى ەسەبٸنەن قالىپتاستى, ونىڭ مٶلشەرٸ - 12,7 ترلن تەڭگە.
مٸندەتتٸ كەسٸپتٸك زەينەتاقى جارناسى بويىنشا زەينەتاقى جيناعىنىڭ سوماسى 349,5 ملرد تەڭگە, ال ەرٸكتٸ زەينەتاقى جارناسى بويىنشا زەينەتاقى جيناعىنىڭ سوماسى 1,6 ملرد تەڭگەدەن استى.
2021 جىلدىڭ باسىنان بەرٸ سالىمشىلاردىڭ شوتىنا جالپى كٶلەمٸ 1,2 ترلن تەڭگە زەينەتاقى جارناسى اۋدارىلعان, بىلتىرعى جىلدىڭ وسى كەزەڭٸندەگٸ كٶرسەتكٸشتەن 439,5 ملرد تەڭگەگە نەمەسە 57 پايىز جوعارى.
جىل باسىنان بەرٸ بجزق سالىمشىلارىنا شامامەن 2,1 ترلن تەڭگە تٶلەندٸ, تٶلەمدەردٸڭ باسىم بٶلٸگٸن بٸرجولعى زەينەتاقى تٶلەمٸ (بزت) قۇرادى, ونىڭ كٶلەمٸ – 1,9 ترلن تەڭگە.
تٶلەمدەر سوماسى بويىنشا ەكٸنشٸ ورىندا جاسى بويىنشا تٶلەمدەر – 71,6 ميلليارد تەڭگە. ودان ەرٸ ساقتاندىرۋ ۇيىمدارىنا اۋدارىمدار, ول شامامەن 47,6 ميلليارد تەڭگە, مۇراگەرلٸك بويىنشا تٶلەمدەر – 43,3 ميلليارد تەڭگە, قازاقستان رەسپۋبليكاسىنان تىس تىس تۇرعىلىقتى تۇراتىن جەرگە كەتۋ– 29,1 ميلليارد تەڭگە, جەرلەۋگە – 4,0 ميلليارد تەڭگە جەنە مٷگەدەكتٸك بويىنشا تٶلەمدەر - 1,6 ميلليارد تەڭگە.
