Biryńǵai jinaqtaýshy zeinetaqy qory (BJZQ) zeinetaqy jinaqtary qaida investitsiialanǵanyn aityp berdi, dep habarlaidy QazAqparat.
Atap aitqanda, 2021 jyldyń 1 tamyzyndaǵy jaǵdai boiynsha, BJZQ zeinetaqy aktivteri portfeliniń kólemi 821,5 mlrd teńge. Onyń ishinde QR Ulttyq bankiniń senimgerlikpen basqarýshy retinde 2021 jyldyń basynan beri túsirgen investitsiialyq tabysynyń mólsheri 821, 40 mlrd teńge boldy.
2021 jyldyń 1 tamyzyna QR Ulttyq bankiniń senimgerlik basqarýyndaǵy BJZQ aktivteri 12 811,56 mlrd teńgege jetti.
QR Ulttyq qoryn basqarý jónindegi Keńes maquldaǵan 2021 jylǵa arnalǵan baǵyttar sheńberinde (senimgerlikpen basqarýshy retinde) investitsiialaýdyń negizgi baǵyttary bylaisha berilgen:
- QR Qarjy ministrligi shyǵarǵan, aǵymdaǵy quny 4 966,95 mlrd teńgeni (búkil portfeldiń 38,77%) quraityn QR Memlekettik baǵaly qaǵazdary. Jyl basynan beri portfeldegi MBQ úlesi 12% asa kólemge azaidy.QR Qarjy ministrliginiń teńgege nominaldanǵan MBQ boiynsha óteýge ortasha alynǵan kiristilik jylyna 9,1%, AQSh dollarynda jylyna 4,2% boldy.
- QR kvazimemlekettik uiymdarynyń obligatsiialary (aǵymdaǵy quny 1 749,38 mlrd teńge. Olardyń portfeldegi úlesi – 13,65%). QR kvazimemlekettik uiymdarynyń teńgemen nominaldanǵan obligatsiialary boiynsha óteýge ortasha alynǵan kiristilik jylyna 10,8%, AQSh dollarymen jylyna 5,5%.
- sheteldik memleketterdiń memlekettik baǵaly qaǵazdary 1 193,86 mlrd teńge boldy. Olardyń portfeldegi úlesi – 9,32%. BJZQ-nyń portfelindegi esepti kúndegi sheteldik memleketterdiń MBQ óteýge ortasha alynǵan kiristilik jylyna 0,2%.
- 1 069,10 mlrd teńge (8,34%) somasyna QR ekinshi deńgeidegi bankteriniń obligatsiialary. QR EDB teńgege nominaldanǵan obligatsiialary boiynsha óteýge ortasha alynǵan kiristilik esepti kúnge jylyna 10,0%.
- 1 239,35 mlrd teńge (portfeldiń 9,67%-y) mólsherindegi syrtqy basqarýdaǵy aktivter. 2021 jyldyń 1 qańtarymen salystyrǵanda ósim 51,78 %.
- ulttyq valiýtadaǵy investitsiialar – 68,2%, AQSh dollarynda – 31,74%, Resei rýblinde jáne basqa valiýtada – zeinetaqy aktivteri portfeliniń 0,06%.
