بٸرىڭعاي جيناقتاۋشى زەينەتاقى قورى (بجزق) زەينەتاقى جيناقتارى قايدا ينۆەستيتسييالانعانىن ايتىپ بەردٸ, دەپ حابارلايدى قازاقپارات.
اتاپ ايتقاندا, 2021 جىلدىڭ 1 تامىزىنداعى جاعداي بويىنشا, بجزق زەينەتاقى اكتيۆتەرٸ پورتفەلٸنٸڭ كٶلەمٸ 821,5 ملرد تەڭگە. ونىڭ ٸشٸندە قر ۇلتتىق بانكٸنٸڭ سەنٸمگەرلٸكپەن باسقارۋشى رەتٸندە 2021 جىلدىڭ باسىنان بەرٸ تٷسٸرگەن ينۆەستيتسييالىق تابىسىنىڭ مٶلشەرٸ 821, 40 ملرد تەڭگە بولدى.
2021 جىلدىڭ 1 تامىزىنا قر ۇلتتىق بانكٸنٸڭ سەنٸمگەرلٸك باسقارۋىنداعى بجزق اكتيۆتەرٸ 12 811,56 ملرد تەڭگەگە جەتتٸ.
قر ۇلتتىق قورىن باسقارۋ جٶنٸندەگٸ كەڭەس ماقۇلداعان 2021 جىلعا ارنالعان باعىتتار شەڭبەرٸندە (سەنٸمگەرلٸكپەن باسقارۋشى رەتٸندە) ينۆەستيتسييالاۋدىڭ نەگٸزگٸ باعىتتارى بىلايشا بەرٸلگەن:
- قر قارجى مينيسترلٸگٸ شىعارعان, اعىمداعى قۇنى 4 966,95 ملرد تەڭگەنٸ (بٷكٸل پورتفەلدٸڭ 38,77%) قۇرايتىن قر مەملەكەتتٸك باعالى قاعازدارى. جىل باسىنان بەرٸ پورتفەلدەگٸ مبق ٷلەسٸ 12% اسا كٶلەمگە ازايدى.قر قارجى مينيسترلٸگٸنٸڭ تەڭگەگە نومينالدانعان مبق بويىنشا ٶتەۋگە ورتاشا الىنعان كٸرٸستٸلٸك جىلىنا 9,1%, اقش دوللارىندا جىلىنا 4,2% بولدى.
- قر كۆازيمەملەكەتتٸك ۇيىمدارىنىڭ وبليگاتسييالارى (اعىمداعى قۇنى 1 749,38 ملرد تەڭگە. ولاردىڭ پورتفەلدەگٸ ٷلەسٸ – 13,65%). قر كۆازيمەملەكەتتٸك ۇيىمدارىنىڭ تەڭگەمەن نومينالدانعان وبليگاتسييالارى بويىنشا ٶتەۋگە ورتاشا الىنعان كٸرٸستٸلٸك جىلىنا 10,8%, اقش دوللارىمەن جىلىنا 5,5%.
- شەتەلدٸك مەملەكەتتەردٸڭ مەملەكەتتٸك باعالى قاعازدارى 1 193,86 ملرد تەڭگە بولدى. ولاردىڭ پورتفەلدەگٸ ٷلەسٸ – 9,32%. بجزق-نىڭ پورتفەلٸندەگٸ ەسەپتٸ كٷندەگٸ شەتەلدٸك مەملەكەتتەردٸڭ مبق ٶتەۋگە ورتاشا الىنعان كٸرٸستٸلٸك جىلىنا 0,2%.
- 1 069,10 ملرد تەڭگە (8,34%) سوماسىنا قر ەكٸنشٸ دەڭگەيدەگٸ بانكتەرٸنٸڭ وبليگاتسييالارى. قر ەدب تەڭگەگە نومينالدانعان وبليگاتسييالارى بويىنشا ٶتەۋگە ورتاشا الىنعان كٸرٸستٸلٸك ەسەپتٸ كٷنگە جىلىنا 10,0%.
- 1 239,35 ملرد تەڭگە (پورتفەلدٸڭ 9,67%-ى) مٶلشەرٸندەگٸ سىرتقى باسقارۋداعى اكتيۆتەر. 2021 جىلدىڭ 1 قاڭتارىمەن سالىستىرعاندا ٶسٸم 51,78 %.
- ۇلتتىق ۆاليۋتاداعى ينۆەستيتسييالار – 68,2%, اقش دوللارىندا – 31,74%, رەسەي رۋبلٸندە جەنە باسقا ۆاليۋتادا – زەينەتاقى اكتيۆتەرٸ پورتفەلٸنٸڭ 0,06%.
