Qazaqstanda bir qyzmetkerdiń ortasha ailyq jalaqysy mólsheri jańardy. Bul týraly Ulttyq statistika biýrosy Strategiialyq josparlaý jáne reformalar agenttigi málim etti, - dep habarlaidy Tengrinews.kz tilshisi.
"2022 jyldyń birinshi toqsanynda bir qyzmetkerdiń ortasha ailyq ataýly jalaqysy 285 433 teńge boldy. 2021 jyldyń osy toqsanymen salystyrǵanda ósim - 23,7 paiyz, naqty mánde 12,7 paiyz", - delingen habarlamada.
Vedomsvto málimetinshe, óńirlik turǵyda eń joǵary ortasha ailyq ataýly jalaqy Atyraý oblysynda - 477,9 myń teńge. Soltústik Qazaqstan oblysynda - 203,4 myń teńge, bul ortasha respýblikalyq deńgeiden 28,7 paiyzǵa tómen.
"Biýro qoldanatyn ortasha ailyq jalaqyny esepteý ádisi Halyqaralyq eńbek uiymynyń standarttary men ádistemesine sáikes keledi. Ortasha ailyq jalaqy týraly derekter kásiporyndardyń toqsan saiynǵy statistikalyq esebi negizinde esepteledi. Bir qyzmetkerdiń ortasha ailyq ataýly jalaqysy qosymsha tólemderdi, ústemeaqylardy, syilyqaqylardy, sondai-aq salyqtar men basqa da aýdarymdardy eskere otyryp qaralady", - dedi Eńbek jáne turmys deńgeii statistikasy departamentiniń direktory Natalia Belonosova.
Eske salaiyq, 2021 jyldyń aqpanynda Qazaqstanda bir qyzmetkerdiń ortasha ailyq ataýly jalaqysy 223 213 teńge bolǵan edi.
