«Damumed» meditsinalyq aqparattyq júiesiniń qupiia málimetteri taǵy da áleýmettik jelige tarady. Osyǵan orai «Damý» aqparattyq tehnologiialar kompaniiasy málimdeme jasady, dep habarlaidy "Ult aqparat".
«Damý» aqparattyq tehnologiialar kompaniiasy atynan zańdy avtorizatsiialanǵan paidalanýshylar ǵana kire alatyn "Damumed" meditsinalyq aqparattyq júiesinen tulǵalardyń qupiia málimetterin qamtityn aqparattardyń taraǵanyn habarlaidy. Qazirgi ýaqytta biz qoldanystaǵy zańnamalarǵa, atap aitqanda QR-nyń Ákimshilik quqyq buzýshylyqtar týraly kodeksi «Qupiia málimetter jáne olardy qorǵaý týraly Qazaqstan Respýblikasy zańnamasyn buzý» 79-babyna jáne QR Qylmystyq kodeksiniń «Aqparattarǵa, aqparattyq júielerge nemese telekommýnikatsiialar jelisine zańsyz ený» 205-baby men «Aqparatqa zańsyz ielik etý» 208-babyna sáikes tyńǵylyqty tekserý júrgizý úshin quqyq qorǵaý organdaryna berýge material daiyndap jatyrmyz», - dep atap ótedi kompaniia Facebook-tegi resmi paraqshasynda.
Kompaniianyń málimetinshe, Facebook-te skrinshottardyń jariialanýyna esh alańdaýdyń qajeti joq. Meditsinalyq málimetter tek avtorizatsiialanǵan tulǵalarǵa ǵana qoljetimdi. Al áleýmettik jelige taralǵan málimetter zańsyz jolmen alynǵan jáne olardyń áreketterine joǵaryda atalǵan qylmystyq zańnama normalaryna sai baǵa beriledi.
