Respýblika boiynsha 1 millionnan astam adamnyń memleket aldynda kólik salyǵy qaryzy 30,7 mlrd teńgeni quraidy. Qaryzdyń 26,8 mlrd teńgesi qaryzdyń negizgi somasy bolyp tabylady. Qalǵan 3,8 mlrd teńge ósimpul eseptelgen, dep habarlady QR QM Memlekettik kirister komiteti.
Eń úlken qaryz somasy Almaty qalasynda tirkelgen. Ońtústik megapolistiń turǵyndary kólik salyǵy boiynsha 6,1 mlrd teńge bereshek. Odan keiin Almaty oblysy keledi. Bul aimaqtaǵy avtokólik ieleri 4,8 milliard teńge kóleminde salyq tólemegen. Nur-Sultan qalasy qaryz mólsheri boiynsha alǵashqy úshtikte. Elordadaǵy avtokólik júrgizýshileriniń memleketke 3 mlrd. teńgege jýyq qaryzy bar.
Boryshkerler sany boiynsha antireitingti 165 myńnan astam adam salyq mindettemelerin oryndamaǵan Almaty oblysy bastap otyr. Ekinshi orynda Almaty qalasy. Onda boryshkerler sany 107 myńnan asady. TOP-3 Túrkistan oblysy da kiredi - 104 myń adam.
MKK Salyq kodeksine sáikes salyq tóleý merzimi aiaqtalǵannan keiin merzimi ótken ár kún úshin ósimppul esepteletinin eske salady.
Salyq tóleý úshin memlekettik kirister organdaryna barýdyń qajeti joq. «e-Salyq Azamat» mobildi qosymshasyn ornatyp, salyq boiynsha qaryz kólemin bilip, onlain tóleý jetkilikti. Sondai-aq, qazaqstandyqtar ekinshi deńgeili bankterdiń qosymshalaryn paidalana alady.
