رەسپۋبليكا بويىنشا 1 ميلليوننان استام ادامنىڭ مەملەكەت الدىندا كٶلٸك سالىعى قارىزى 30,7 ملرد تەڭگەنٸ قۇرايدى. قارىزدىڭ 26,8 ملرد تەڭگەسٸ قارىزدىڭ نەگٸزگٸ سوماسى بولىپ تابىلادى. قالعان 3,8 ملرد تەڭگە ٶسٸمپۇل ەسەپتەلگەن, دەپ حابارلادى قر قم مەملەكەتتٸك كٸرٸستەر كوميتەتٸ.
ەڭ ٷلكەن قارىز سوماسى الماتى قالاسىندا تٸركەلگەن. وڭتٷستٸك مەگاپوليستٸڭ تۇرعىندارى كٶلٸك سالىعى بويىنشا 6,1 ملرد تەڭگە بەرەشەك. ودان كەيٸن الماتى وبلىسى كەلەدٸ. بۇل ايماقتاعى اۆتوكٶلٸك يەلەرٸ 4,8 ميلليارد تەڭگە كٶلەمٸندە سالىق تٶلەمەگەن. نۇر-سۇلتان قالاسى قارىز مٶلشەرٸ بويىنشا العاشقى ٷشتٸكتە. ەلورداداعى اۆتوكٶلٸك جٷرگٸزۋشٸلەرٸنٸڭ مەملەكەتكە 3 ملرد. تەڭگەگە جۋىق قارىزى بار.
بورىشكەرلەر سانى بويىنشا انتيرەيتينگتٸ 165 مىڭنان استام ادام سالىق مٸندەتتەمەلەرٸن ورىنداماعان الماتى وبلىسى باستاپ وتىر. ەكٸنشٸ ورىندا الماتى قالاسى. وندا بورىشكەرلەر سانى 107 مىڭنان اسادى. توپ-3 تٷركٸستان وبلىسى دا كٸرەدٸ - 104 مىڭ ادام.
مكك سالىق كودەكسٸنە سەيكەس سالىق تٶلەۋ مەرزٸمٸ اياقتالعاننان كەيٸن مەرزٸمٸ ٶتكەن ەر كٷن ٷشٸن ٶسٸمپپۇل ەسەپتەلەتٸنٸن ەسكە سالادى.
سالىق تٶلەۋ ٷشٸن مەملەكەتتٸك كٸرٸستەر ورگاندارىنا بارۋدىڭ قاجەتٸ جوق. «ە-Salyq Azamat» موبيلدٸ قوسىمشاسىن ورناتىپ, سالىق بويىنشا قارىز كٶلەمٸن بٸلٸپ, ونلاين تٶلەۋ جەتكٸلٸكتٸ. سونداي-اق, قازاقستاندىقتار ەكٸنشٸ دەڭگەيلٸ بانكتەردٸڭ قوسىمشالارىن پايدالانا الادى.
