Qazposhta qazaqstandyqtar arasynda kóbine qandai gazet-jýrnaldar oqylatynyn anyqtady, dep habarlaidy "Ult aqparat".
«2021 jyldyń birinshi toqsany qorytyndysy boiynsha «Qazposhta» AQ arqyly Qazaqstanda gazetter men jýrnaldarǵa jazylýdyń jalpy kólemi 55,6 mln danany qurady. Respýblikalyq gazetterdiń úzdik bestigine «Egemen Qazaqstan», «Kazahstanskaia pravda», «Politsiia KZ», «Qazaqstan temirjolshysy» jáne «Uiǵyr avazi» basylymdary kirdi. Aimaqtyq kóshbasshylar arasynda «Jetisý», «Aqtóbe», «Ońtústik Qazaqstan», «Aq Jol», «Ortalyq Qazaqstan» gazetteri bar», - delingen «Qazposhta» AQ baspasóz habarlamasynda.
Baspasóz habarlamasynda jazylǵandai, el boiynsha barlyǵy 170 respýblikalyq jáne 543 aimaqtyq gazet jazylym boiynsha taratylady. Jazylýdyń jalpy kólemindegi respýblikalyq basylymdardyń úlesi 44%, óńirlik basylymdardyń úlesi 54% qurady. Tirajdyń 2%-y halyqaralyq merzimdi basylymdarǵa tiesili.
«Gazetter men jýrnaldarǵa jazylý aýyldarda kóp tirkelgen. Jazylýdyń jalpy kóleminde onyń úlesi 71% quraidy. Aýyl turǵyndary oblystyq, qalalyq jáne aýdandyq basylymdarǵa jazylǵandy (jalpy tirajdyń 58%-y) jón kóredi», - delingen habarlamada.
Jazylý boiynsha Qazaqstannyń óńirleri arasynda Almaty, Aqtóbe, Qaraǵandy jáne Jambyl oblystary kósh bastap tur.
«2020 jyldyń qorytyndysy boiynsha jazylýdyń jalpy kólemi 90,3 mln danany qurady. Biylǵy jyldyń ekinshi jartyjyldyǵyna jazylý 5 sáýir kúni bastaldy. Jyl sońynda kórsetkishter 25-30% ósedi, biraq tutastai alǵanda ótken jyldyń kórsetkishinen aspaidy. Biz elektrondy basylymdarǵa kóshý – jalpy álemdik trend ekenin túsinemiz. Ony qazaqstandyq statistika da rastaidy», - dedi «Qazposhta» AQ «Poshtalyq servis» filialy direktory Nurjan Jabaev.
