Qazaqstandyqtardyń infektsiiaǵa qarsy preparattarǵa shaǵymy jiilep ketti. Bul jaiynda Dárilik zattar men meditsinalyq buiymdardy saraptaý ulttyq ortalyǵynan málim etti, dep habarlaidy "Ult aqparat".
Ortalyq málimetinshe, osy jyldyń qańtar-sáýir aralyǵynda turaqty paidalanýǵa arnalǵan bakteriiaǵa, mikobakteriiaǵa, virýsqa qarsy preparattar, AITV infektsiiasyn emdeýge arnalǵan preparattardy, sondai-aq vaktsinalardy qoldaný kezinde jaǵymsyz reaktsiialardyń baiqalǵany týraly habarlamalar jii túsken. Atalǵan preparattardy paidalanǵan kezdegi jaǵymsyz reaktsiialarǵa shaǵymdar kelip túsken habarlamalardyń jalpy mólsherinen 64,5 paiyzyn quraidy.
Habarlamalardyń basym bóligin nemese 85 paiyzyn kútiletin, iaǵni dárilik zattyń jalpy sipattamasynda jáne preparatty meditsinalyq qoldaný jónindegi nusqaýlyqta sipattalǵan reaktsiialarǵa tiesili. Dárige bolatyn kúrdeli jaǵymsyz reaktsiialar týraly habarlamalar úlesi – 6 paiyz.
«Ortalyq jaǵymsyz reaktsiialardyń karta-habarlamalaryn tirkeidi. Árbir naqty jaǵdai boiynsha dárilerdiń kúmán týdyratyn jaǵymsyz áserlerine taldaý jasaidy. Jaǵymsyz reaktsiianyń damýy men preparatty qabyldaý arasyndaǵy sebep-saldarǵa bailanysty zertteidi jáne saraptamalyq qorytyndy usynady. QR DSM Meditsinalyq jáne farmatsevtikalyq qyzmetti baqylaý komiteti ortalyq qorytyndysynyń negizinde, qajet bolsa, dárilik preparattyń qoldanylýyn shektep, marketingin toqtatady. Meditsinalyq qoldaný jónindegi nusqaýlyqqa ózgeris engizip, naryqtan qaitaryp alady jáne preparattyń elde óndirilýine, distribýtsiiasyna jáne qoldanylýyna tyiym salady», - delingen taratylǵan aqparatta.
