Memleket basshysynyń gaz baǵasyn belgileý modelin jetildirý boiynsha tásilderdi ázirleý jónindegi tapsyrmasy aiasynda UEM Tabiǵi monopoliialardy retteý komiteti tutynýshylardyń jeke toǵyzynshy tobyn bólý boiynsha jumys júrgizip jatyr Bul sanatqa «memlekettik ataýly áleýmettik kómek jáne turǵyn úi kómegin alatyn turmystyq tutynýshylar» kiredi, dep habarlaidy vedomstvonyń baspasóz qyzmeti.
"Bul jumysty QR UEM TMRK qoǵamdyq mańyzy bar naryqtarda baǵa belgileý qaǵidalaryna ózgerister men tolyqtyrýlar engizý arqyly júzege asyrdy.
Nátijesinde, 1 sáýirden bastap pilottyq joba aiasynda Taraz jáne Oral qalalarynda joǵaryda atalǵan toptyń azamattary taýarlyq gazdy 20% - ǵa tómendetilgen baǵamen alady, al bul 3 myńnan astam tutynýshy. Bul toptyń tutynýshylary sáýir aiyndaǵy túbirtekterde gazdyń jańa baǵasyn kóre aldy.
Sonymen qatar, búgingi kúni jergilikti atqarýshy organdarmen jáne uiymdarmen birlesip, «QazaqGaz» UK» AQ enshiles kompaniiasynyń «QazTransGaz Aimaq» AQ aqparattyq júielerin elektrondyq úkimet shliýzi arqyly QR Eńbek jáne halyqty áleýmettik qorǵaý ministrliginiń «Áleýmettik kómek» avtomattandyrylǵan aqparattyq júiesi arqyly integratsiialaý boiynsha jumys jalǵasýda" - delingen habarlamada.
1 shildeden bastap «memlekettik ataýly áleýmettik kómek jáne turǵyn úi kómegin alatyn turmystyq tutynýshylar» sanatyna jatatyn tutynýshylardyń eldiń barlyq gazdandyrylǵan óńirlerinde tómendetilgen baǵamen gaz alý múmkindigi bolady.
Gazǵa tómendetilgen baǵany alý úshin tutynýshy Egov.kz. portalyndaǵy AÁK jáne turǵyn úi kómegin alýshy retindegi óziniń mártebesine kóz jetkizýi qajet.
Aita keteiik, Qazaqstanda memlekettik ataýly áleýmettik kómekti jan basyna shaqqandaǵy ortasha tabysy kedeilik sheginen aspaityn adamdar sanaty alady (QR azamattary, oralmandar, bosqyndar, sheteldikter, QR turaqty turatyn azamattyǵy joq adamdar).
